Ipinakita na nina Regine Velasquez at Ogie Alcasid ang maraming pictures ng anak nilang si Baby Nate sa Party Pilipinas kahapon. Tama ang sabi ni Regine na guwapo ang anak nila at sayang kung ipagdadamot.

Guwapo na, maputi at sabi ni Ogie, mahaba ang legs ng bata. Teary-eyed naman si Regine na minsan ay iniisip niya kung paano aalagaan ang baby.

“I don’t know what to do with the baby,” pero in-assure siya ni Ogie that she’s doing the right thing. “I hope I’m doing the right thing,” sagot ni Regine.

Malapit na raw siyang bumalik sa Party Pilipinas at pinaka-bongga niyang comeback ay ang Valentine’s Day concert nila ni Ogie.

* * *

Kampante si TJ Trinidad na kahit katapat ng movie nilang The Road ang Won’t Last a Day Without You, panonoorin pa rin ang movie nila dahil magkaiba ang genre ng two movies. Umaasa rin siya sa tulong ng word of mouth na makakatulong para mas marami ang manood ng movie na showing na sa November 30.

Natawa lang si TJ na baka tawagin siyang Prince of Horror movies dahil puro horror movies ang ginagawa niya lately. Pero ibang level daw ang fear factor ng The Road at ang naisip niyang blurb para sa movie ay “It’s a provocative horror movie. It will make you think and keep you guessing.”

Hindi na rin siya nagulat sa R-13 ratings ng movie from MTRCB. “I was expecting it dahil sa dubbing pa lang, hindi ko naisip na PG-13 ang ratings. I still hope more people watch the movie. Maganda ang story and the whole movie. I would love to work with Direk Yam Laranas again,” sabi ni TJ.

* * *

Wala pa ring sagot si Sarah Lahbati sa pagtatampo sa kanya ni Louise delos Reyes dahil sa isyung pag-aagawan nila kay Enzo Pineda. Hirit ni Louise, hindi maganda sa babae ang maakusahang rason nang breakup ng isang couple. Ouch!

Samantala, sa two weeks ng Kokak, matitinding eksena na ang ginawa ni Sarah, kasama rito ang rape scene niya at ang paglabas na manipis na damit lang ang suot na naglabas ng kanyang kaseksihan.

This week, nasa Manila na si Kara (Sarah) at muli silang magkikita ni Carl (TJ Trinidad). Aampunin siya ni Rafa (Frencheska Farr) na magiging friend at tagapagtanggol niya. 

* * *

Nauna nang nag-pictorial ang cast ng Rain, Rain Go Away ng Shake, Rattle & Roll 13 at sabi ni Eugene Domingo, mas bagay ang bagong napiling title ni Direk Chris Martinez dahil sobrang give-away ang dating title na Lunod.

Si Eugene ang reyna ng SR&R dahil third time na niyang mapasama sa most successful franchise, pero ngayon lang siya magbi-bida, kaya thankful kay Mother Lily at sa Regal Entertainment.

Siguro naman sa ka-rosa ng SR&R 13 sasama si Eugene sa parade sa December 24 for MMFF dahil bida siya sa movie, samantalang support at special participation (her words) siya sa two MMFF movies pa niya.

* * *                                             

Nakausap namin ang isa sa mga bossing ng Munting Heredera at nabanggit na hindi naabutin ng February 2012 ang family drama, pero hindi rin sa January 13, 2012 ang finale nito gaya nang unang nabalita. Extended ito ng ilang weeks pa dahil Jan. 27 pa raw magtatapos ang soap.

Sa another two weeks extension, ano pa kaya ang mangyayari sa mga karakter ng Muher at sino ang bagong karakter na madadagdag. Request lang ng sumusubaybay sa soap, pagtagpuin na sina Sandra (Camille Prats), Jacob (Mark Anthony Fernandez) at Jennifer (Mona Louise Rey).

Samantala sa Muher mamaya, magbibitiw na si Sandra na nurse ni Allen, aaminin ni Stanley (Bobby Andrews) na mahal niya ito, maririnig ito ni Jacob at biglang aalis. Hindi na nito maririnig ang sinabi ni Sandra na siya pa rin ang mahal nito.

* * *

Sa Daldalita, wala nang trabaho sa zoo si Mateo (Ogie Alcasid), inalis siya ni Sam (Marc Abaya) sa suggestion ni Katrina (Manilyn Reynes). May press people sa zoo para kunan si Sam at kasama nito ang isang gorilla. Ang usapan ay fake na gorilla ang makakasama ni Sam, hindi nito alam na totoong gorilla ang kaharap niya.

Galit ang gorilla at ayaw ibigay ang sanggol kay Sam, hihimatayin ito nang malamang totoong gorilla ang kaharap. Dadating si Daldalita at pakikiusapan ang  gorilla na ’wag sasaktan si Sam. Lalabas sa gubat si Sam na hawak na ang sanggol at si Daldalita, ka-holding hands ang gorilla.