Ngayon, puwede nang sabihin na kaya lumipat si Gabby Concepcion sa TV5 ay dahil kay Vic Del Rosario of Viva Films, who is now co-managing  him.

Naengganyo si Gabby sa magagandang projects na ini-offer sa kanya ng Kapatid Network, tulad ng PS I Love You, mapapanood na sa Lunes (Nov. 21), pagkatapos ng Glamorosa. Gusto ni ni Gabby gumawa ng  makakabuluhang projects worthy for his comeback.

Kaya nga inayawan niya noon ang movie na inialok sa kanya ng GMA Films na light comedy na mala-Love Boat ang tema, kasi para sa kanya that’s not a good comeback vehicle for him.

Ngayon nga, masaya na siya bilang bagong Kapatid at nakasama pa niya ang first leading lady niya ever na si Dina Bonnevie (Katorse  was their first movie). Aminado ang TV5 na hindi nila in-offer kay Sharon Cuneta ang PS I Love You , kasi alam nila na hindi gumagawa ng soapsi Sharon at nakatali pa ang Megastar sa ABS-CBN. But rumors are persistent, by next year, magiging Kapatid na rin si Sharon, so, may possibility na magkasama na rin sina Shawie at Gabo sa isang project under TV5 na hindi nagawa ng Kapamilya.

“TV5 is very much inte-rested in securing the services of Ms. Sharon Cuneta. But as of now, naka-depende ‘yun kay Vic Del Rosario ng Viva who is handling the negotiations. At saka hindi sa amin nakadepende kung matutuloy ang Sharon-Gabby project which  we really love to make. Nakadepende ýun kay Sharon lahat,”pahayag ni Mr. Perci Intalan, VP for Entertainment ng TV5.

Pero dinenay ni Perci ang tsikang may offer ang TV5 kay Sharon na P16-M monthly guaranteed salary. Maski ang controversial na P700,000 per taping na offer daw ng TV5 kay John Lloyd Cruz, ‘di raw niya puwedeng sabihin.

“May offer talaga ang TV5 kay John Lloyd, but I’m not at liberty to disclose the exact amount. Pero sa isyung ginamit lang ni John Lloyd ang TV5 para magpataas ng presyo sa ABS-CBN, I cannot comment on that kasi wala akong alam d’yan. We are not forcing naman anyone to be a Kapatid. Basta we would like to work with stars who would like to work with us,”say pa ni Mr. Perci.

Hindi rin siya makapag-comment nang diretso tungkol sa balitang paglipat ng Star For All Seasons na si Gov. Vilma Santos sa TV5.

“All I can say, gustung-gusto ng TV5 na makatrabaho si Gov. Vi. Naghahanap pa kami ng magandang project para sa kanya kasi ýun ang ibinigay na kundis-yon sa amin ni Vi. Dapat maganda ang project. I don’t think makakagawa ng soap si Vi dahil super-busy siya sa work niya as Batangas governor. We are even willing to hold the tapings sa Batangas mismo para hindi na siya aalis pa du’n, pero mukhang hindi pa rin uubra,” kuwento pa ni Perci.

Regarding PS I Love You, gustong ipaalam ng TV5 sa lahat na hindi ito re-make kundi sequel sa movie nina Sharon at Gabby na ipinalabas noong 1981. Isasalaysay dito ang naging buhay nina Mark (Gabby) at Kristine (gagampanan ni Dina B.) 30 years later .    

*  *  *

Sina Dennis Trillo, Solenn Heusaff at Jacky Woo ang naging special guests ng Bubble Gang ng GMA7 nitong Biyernes.  Kasama sila sa Batuhan Sa Classroom gas at Magnolia Chicken (Robot) commercial spoof.