Kahit nakagat ng Philippine Cobra si Stef Prescott, hindi pumasok sa isip niya na umatras sa Survivor Philippine Celebrity Doubles Showdown.

Pagkatapos masaksakan ng gamot laban sa kamandag ng cobra, sumabak ulit si Stef sa said reality contest ng GMA7.

Anyway, naitsika ni Stef na kinikilig siya sa kapwa castaway na member ng Volcanoes na si John Odulio. May kakaibang kiliti raw sa kanya ang abs ni John.

“Pandesal” ang tawag ni Stef sa abs ni John at sa tu-wing makikita raw niya ang “pandesal” nakakaramdam daw siya ng “gutom.”  Hindi  niliwanag ni Stef kung sa pagkain ba siya nasasabik o sa pakikipagromansa kay John.

Bukod kasi sa abs ni John, sa lahat ng mga lalaking nakasama ni Stef sa Survivor, kiniliti ang buong katawan niya ng  kaguwapuhan at ka-seksihan ni John. Nadagdagan pa ang paghanga niya rito nang saklolohan siya nito nang  makagat siya ng cobra.

Umaasa si Stef Prescott  na mapapansin siya sa Survivor at sisikat para magkaroon ng maraming projects. Five years na kasi siya sa GMA7, pero hanggang ngayon, wala pang linaw kung saan patungo ang kanyang showbiz  career.

*  *  *

Humarap sa entertainment press ang sikat na 57-anyos na si Bro. Mhon.

Kuwento niya sa press people, at the age of six  daw, nararamdaman na niya ang kakaibang karunungang magbasa ng magiging kapalaran ng kapwa.

Marami na raw siyang prediksyon na nagkatotoo.

At hanggang ngayon, patuloy pa rin daw na nangyayari ang mga hula niya sa mga celebrity, politicians at iba pang mga nagsasadya sa kanyang opisina na matatagpuan sa dating office ni Jojo Acuin sa Quezon City.

Sikat na sikat daw ang ilan sa celebrities na ito sa iba’t ibang larangan, kaya lang hindi niya puwedeng i-reveal ang mga pangalan dahil sa “confidentiality.”

Ilan sa prediksyon niya para sa taong 2012: papasok na sa politics si Kris Aquino at posibleng tumakbong Pangulo ng bansa at si Sen. Bong Revilla daw ang makaka-tandem nito bilang Vice President.

Tatakbo rin daw sa pagka-Pangulo si Jejomar Binay, pero matatalo, at ang ka-tandem nito na si Chiz Escudero.

Si Batangas Governor Vilma Santos daw, patuloy na sisigla ang career sa politics at posible ring tumakbo sa mas mataas na posisyon, pero makakasira raw sa kasikatan ni Gov. Vi sa politics ang husband na si Sen. Ralph Recto.

* * *

Inamin ni Coco Martin na nag-TNT siya sa Canada para magtrabaho.

At dahil tourist visa lang ang nakasaad sa kanyang passport, sa gabi siya na-masukan bilang janitor para walang hassle.

“Nagtrabaho ako sa Canada nang siyam na buwan bilang janitor. Gusto ko kasing  makatulong sa pamilya ko. Broken family kami at hiwa-hiwalay din kaming magkakapatid.

“Pagkatapos ng pag-labas ko sa Masahista, wa-la nang project na duma-ting kaya nagdesisyon akong magtrabaho  abroad,” kuwento ni Coco.

Maraming pagsubok ang pinagdaanan ni Coco hanggang mabigyan siya ng ta-mang project sa TV.

“Siguro kung hindi ko pinagdaanan ang mabibi-gat na mga pagsubok, hindi ako magpupursige sa a-king trabaho,” pagtatapat pa niya.