SI JM de Guzman ang title role sa seryeng Angelito: Batang Ama na magsisimula ngayong Lunes, 3:30 p.m. sa ABS-CBN. This is his biggest break so far after niyang lumabas sa remake ng Mula sa Puso.

Dahil batang ama ang role ni JM, tinanong siya ng press if he’s ready na maging batang ama. “Naku, hindi pa po. Marami pa akong gustong gawin sa buhay ko,” maliksi niyang sagot.

“Parang hindi ko kakayanin na maging batang ama. Matinding responsibilidad ’yon at napakahirap,” dagdag pa niya.

Samantala, malaki ang pasasalamat ni JM sa ABS-CBN sa tiwalang ibinigay sa kanya para sa naturang teleserye.

“Hindi ko po kayo bibiguin. Susuklian ko po ang tiwalang ibinigay ninyo sa akin. Gagawin ko po ang best ko,” wika pa niya.

Ipakikita sa programa kung anu-ano ang mga pinagdaraanan ng isang batang ama at kung paano nila haharapin ang respon-sibilidad ng pagiging young parent.

Kasama sa cast ng Angelito: Batang Ama sina Charee Pineda, Kaye Abad, Tom Rodriguez, Ina Feleo, Matt Evans, Felix Roco, Sam Concepcion, Devon Seron, Jason Francisco, Carl John Barra-meda, Elizabeth Oropesa, Al Tantay at Snooky Serna.

* * *

PARA sa mga avid followers ng Survivor Philippines, ngayong Lunes ng gabi na ang simula ng pagbabalik ng naturang reality show sa GMA-7 na tinawag nilang Survivor Philippines Celebrity Doubles Showdown.

Ten pairs of celebrity castaways ang magka-kasamang titira sa isla sa loob ng 36 days. Matira ang matibay. Sa bandang huli, may mananalo ng P3 million at tatanghaling Celebrity Sole Survivor.

The program is hosted by Richard Gutierrez na nakasama rin ng mga castaway sa Palawan.