MALUGOD po namin kayong inaanyayahan na dumalo at mapagpala sa EMI Midweek Chapel Services tuwing Miyerkules at Huwebes sa oras na ika-7 ng gabi sa EMI Center – NLEX Valenzuela Exit, Paso de Blas, Valenzuela City. Tumawag sa 4444-777

KAHAPON sa unang bahagi ng lathalain ay aking ibinahagi ang unang dalawang kalikasan ng problema. Una, ang prolema’y hindi maiiwasan – Problems are inevitable. Pangalawa, ang problema’y hindi mahuhulaan – Problems are unpredictable.

Pangatlo, ang problema ay sari-sari. Sa wikang Ingles, ‘problems are variable.’ Ang sabi ni Santiago, “Consider it pure joy, my brothers, whenever you face trials of many kinds…” (James 1:2) Ang phrase na ‘many kinds’ sa orihinal na Griyego ay isang salita lang. Ang salitang ito ay ‘Poikillo’ na ang kahulugan nito’y ‘variegated’ ‘parti-colored’ at ang literal na salin nito’y ‘patches of different colors.’ Ang mga problema ng buhay ay dumarating sari-sari ang kulay at hugis. Mayroong iba’t-ibang uri ng problema. Kung minsan mabigat na problema, kung minsan naman magaang lang. May panahon na sobrang bigat talaga na parang pakiramdam mo ay pansan mo ang mundo at may mga panahon na man na parang ‘wala lang’ hindi mo masyado maramdaman. Mayroong mga problemang personal, pang-mag-asawa, pang-pamilya, pang-trabaho at kung minsan pang-bayan. Isang bagay ang totoo pagdating sa problema, hindi ka mababato o mabo-bore kasi sari-sari ang dating nya sa buhay. Ang problema ay hindi lagi sa umaga ang dating, minsan sa tanghali at minsan sa gabi at may mga panahon na kahit madaling araw dumarating din ang problema. Mayroong mga problema na tayo mismo ang may-gawa at mayroon ding kagagawan ng ibang tao at tayo’y mistulang biktima nito. Tandaan, ang problema ay sari-sari.

Pang-apat, ang problema ay may layunin. Sa wikang Ingles, ‘problems are purposeful’ Ang sabi ni Santiago, “Consider it pure joy, my brothers, whenever you face trials of many kinds, because you know that the testing of your faith develops perseverance. Perseverance must finish its work so that you may be mature and complete, not lacking anything.” Bagama’t sa unang tingin ang problema’y perwisyo sa buhay, mayroon itong magandang layunin kung sa di malirip na karunungan ng Diyos ay Kanyang pinahintulutan na ito’y dumating sa ating buhay. Hindi ang Diyos ang nagbibigay ng problema ngunit ito’y dumarating sa buhay ng Kristiyano na may pahintulot ang Diyos upang maganap ang Kanyang mabuting layunin.

Ano ang naidudulot ng problema sa buhay ng tao? 

Una, nagiging busilak ang iyong pananampa-lataya. James calls it ‘the testing of your faith.’ Apostle Peter explains further, “So be truly glad! There is wonderful joy ahead, even though it is necessary for you to endure many trials for a while. These trials are only to test your faith, to show that it is strong and pure. It is being tested as fire tests and purifies gold—and your faith is far more precious to God than mere gold. So if your faith remains strong after being tried by fiery trials, it will bring you much praise and glory and honor on the day when Jesus Christ is revealed to the whole world.” (1 Pet. 1:5-7)

Pangalawa, nagiging mas mahaba ang iyong pasensiya. James said “… the testing of your faith develops perseverance.” Sa orihinal ng Griyego ang ibig sabihin nito’y ‘ability to stay under pressure.’ Ginagamit ng Diyos ang problema ng iyong buhay upang ikaw ay maging mas matiisin o mapagsiyasip at hindi agad tumitiklop at sumusuko sa gitna ng problema.

Pangatlo, nagiging mas may-gulang sa pag-uugali. James further explains, “Perseverance must finish its work so that you may be mature and complete, not lacking anything.” Ang plano ng Diyos ay hubugin ang ating mga pagkatao sa wangis ng Kanyang Anak, samaktuwid baga’y si Jesu-Kristo. Apostle Paul explains it this way, “And as the Spirit of the Lord works within us, we become more and more like him and reflect his glory even more.” (2 Cor. 3:18) Sa pamamagitan ng mga problemang pinahihintulutan ng Diyos ay dahan-dahan niya tayong hinuhubog na maging kalarawan ni Jesu-Kristo sa paggulang ng ating pag-uugali. Sa gayon, pagkatapos ng araw, ating maisalamin ang kaningningan ng kanyang kaluwalhatian.

* * *

ANG DYARYO EMI ay gawaing paglilingkod ng Emmanuel Ministry Institute. Ugaliin ding makinig sa RADYO EMI sa DWBL 1242 tuwing Linggo, alas-7:30 ng umaga. Lumago kasama namin tuwing Linggo, alas-6:30; 8:30; at 10:30 ng umaga; alas-4:30 ng hapon at alas-6:30 ng gabi; at araw ng Miyerkules at Huwebes alas-7:00 ng gabi sa EMI Center. Tumawag sa 4444-777 o mag-text sa 0922-8661029. Bisitahin ang www.facebook.emi.ph