Nakakatuwang pagmasdan si Vic Sotto na at home and very casual kumilos sa bakuran ng ABS-CBN. Sa presscon ng Pak, Pak My Dr. Kwak (showing na sa April 23), muling tumapak si Bossing Vic sa minsan nilang naging tahanan dahil Star Cinema ang  co-producer ng pelikula nila ni Bea Alonzo.

“It’s always a pleasure to work with Star Cinema and this won’t be the last. I’ll be back for more,” nakangiting sabi ni Vic.

Maliwanag na hindi lang ito ang huling proyektong gagawin ng sikat na TV host/comedian sa Star Cinema.

Tinanong din si Vic kung bakit si Bea, na kilalang drama actress, ang napili nila para gumanap na doktora sa pelikula na ang kabuuan ay comedy. 

Paliwanag ni Bossing Vic, hindi siya nagdalawang-isip na kunin si Bea dahil nu’ng unang sabak pa lang daw ng aktres sa comedy, napahanga na nito ang mga katrabaho niya.

Say pa ni Vic, sa pelikulang ito lang daw  makikitang tumulo ang laway ni Bea! Kumbaga sa drama, madaling tumulo ang luha ni Bea, pero sa comedy, may timing daw ang aktres.

“I don’t know Bea naman kasi personally. Kilala ko lang siya as the loveteam of John Lloyd at minsan nadadaanan kong panoorin ang pelikula nila pero hanggang doon lang. Nu’ng makita ko siya noong una, hindi pa kami nagpansinan. Pero hindi nagtagal,  nagkuwentuhan na rin kami. Si Bea? She’s really down to earth, intelligent, mabait, mahusay katrabaho,” pagmamalaki ni Bossing Vic na sobrang ikina-flatter ng  aktres.

Isa pang refreshing tingnan ang samahan nina Pokwang at Bossing Vic.

Kung ini-expect ng marami na magkakaroon ng ilangan portion sa dalawa dahil sa mga isyu sa programa nila (nang magkatapat ang noontime show nila noon), hindi ito naging hadlang para may mabuong friendship sa ng dalawang komedyante kahit pa magkaiba ang kanilang network.

“Nu’ng nakita ko si Pokwang, wala, dedma. Pagbaba ko ng sasakyan sa shooting, nakita ko na siya sa gilid, pero wala lang. Naisip ko, naku, ito na siya,  ang  kaibigan ni Pareng Joey!” natatawang kuwento ni Bossing Vic.

“Pagkatapos nu’ng  lumapit ako, nag-katinginan  na lang kami. Wala nang usap-usap. Bigla na lang kaming nag-yakapan. Si Pokwang pagdating sa trabaho, magaling na komedyante. Saka, mataas ang energy niyan, kahit 4 am na, bagsak na kaming lahat, siya, alive na alive pa rin. Adik ka ba? Hahaha! Seriously, mabait na tao si Pokwang. Nakakuwentuhan namin ‘yan at marami kaming na-discover sa kanya. Ang tungkol sa mga ginagawa niyang  pagtulong sa kapwa. Mabait talaga siyang  tao,” pahayag ni Bossing Vic.

Hindi naman akalain ni Pokwang na ganito siya ina-appreciate ng isa sa mga institusyon ng pelikula at telebisyon.

Talagang ka-puri-puri ang humility ni Vic na kahit sikat na, hindi niya ‘yun ipaparamdam sa ‘yo.

Ito rin ti-yak ang nagustuhan ng mga nakatrabaho ni Bossing Vic sa kanya. Para kay Bossing Vic, pantay-pantay lang daw sila ng mga nakakatrabaho niya.

Malinaw ding sinabi ni Vic, he doesn’t burn  bridges sa mga dati niyang katrabaho. Kahit daw nu’ng nagsisi-mula pa lang siyang mag-produce sa telebisyon, ta-lagang iniiwasan daw ni-yang may makasamaan ng loob o kung ano mang nega-tibong mga bagay.

Kung nagkataon na mayroon man, agad daw niya itong inaayos.  Kaya masuwerte si Bossing Vic, isa lang siya sa iilang artista na kayang magtrabaho sa tatlong higanteng network.

So, abangan ang Pak, Pak My Dr. Kwak na mapapanood sa inyong pa-boritong sinehan sa April 23 nationwide. 

* * *

MALAPIT na ang pagtatapos ng Imortal kaya puspusan na ang pagha-handa nina Angel Locsin at John Lloyd Cruz bilang sina Lia at Mateo. 

Nakakatuwang malaman na  laging napapasama sa most watched TV shows ang Imortal, ayon  na rin sa Kantar Media/TNS, at talagang consistent na mataas ang ratings ng teleseryeng nina Lloydie at Angel, hindi lumalaylay ang istorya. 

Naroon talaga ang curiosity ng mga tao sa  lobo  at bampira, lalo pa’t may pag-ibig na namamagitan sa da-lawang magkaibang nilalang. Bongga, ’di ba?

Napag-alaman din namin na dahil sobrang higpit ng schedule nina Angel at Lloydie, baka raw next year na raw sila makakagawa ng  pelikula together.  Mauunang ipa-labas ang Aga Muhlach-Angel  starrer this May, entitled In The Name of Love.

Anyway, ayon sa aming source, wala raw  dumadalaw na suitors kay Angel sa set ng Imortal. Minamadali raw nila ang pagtatapos nito kaya walang time na makipag-chikahan ang aktres sa set nila. Ang huling mga tagpo ng Imortal ay iikot sa laban nina Lia (Angel) at Mateo (Lloydie), para mapanatiling ligtas ang kanilang  pagmamahalan.  Saksihan ang kapana-panabik na mga eksena sa Imortal sa  April 29 sa Primetime Bida ng ABS-CBN.