Kgg. na Atty. Acosta,

Mapagpalang araw po sa inyo.

Nabalitan ko na lamang po na matagal nang patay ang aming ama. Nais ko po sanang idulog ang isang katanungan tungkol sa aking karapatan bilang isang illegitimate child. Ako po ba ay may karapatan sa mga ari-ariang kanyang naiwan?

Bagama’t ako ay nahihiya sa mga tunay na anak, kaya lang po ako ay kapos rin at ang aking ina ay may iniindang karamdaman. Sana po ako ay inyong matulungan. Ako po ay natatakot sa mga tunay na anak sa kadahilanan pong sila ay malalaking personalidad. Sana po ako ay inyong matugunan. 

Lubos na gumagalang,

Geneve

Dear Geneve,

Nais naming ipaalam sa inyo na mayroong karapatang magmana ang isang illegitimate child sa kanyang ama kung ang nasabing anak ay kinikilala ng kanyang ama bilang isang anak.

Sa pagpapalagay na kayo ay kinilalang anak ng inyong namayapang ama, ang inyong karapatan bilang tagapagmana ng kanyang naiwang pag-aari ay nasasaad sa Civil Code of the Philippines at sa Family Code of the Philippines.

Ayon sa Artikulo 895, 983 at 999 ng Civil Code of the Philippines sa titulo ng Succession at sa Artikulo 176 ng Family Code of the Philippines:

“Art. 895. The legitime of each of the acknowledged natural children and each of the natural children by legal fiction shall consist of one-half of the legitime of each of the legitimate children or descendants.

The legitime of the illegitimate children shall be taken from the portion of the estate at the free disposal of the testator, provided that in no case shall the total legitime of such illegitimate children exceed that free portion, and that the legitime of the surviving spouse must first be fully satisfied.

“Art. 983. If illegitimate children survive with legitimate children, the shares of the former shall be in the proportions prescribed by Article 895.

“Art. 999. When the widow or widower survives with illegitimate children or their descendants and illegitimate  children or their descendants, whether legitimate or I illegitimate, such widow or widower shall be entitled to the  same share as that of a legitimate child.

“Art. 176. XXX The legitime of each illegitimate child shall  consist of one-half of the legitime of a legitimate child.”

Samakatuwid, mayroon kayong karapatan bilang anak sa labas ng inyong ama. Subalit ang kabahagi ng isang illegitimate child ay katumbas lang ng kalahati ng kabahagi ng isang legitimate child.

Nawa ay malinaw naming nasagot ang inyong mga katanungan.

Ang inyo pong lingkod-bayan,

PERSIDA V. RUEDA-ACOSTA
Punong Manananggol Pambayan

Paunawa:

Manood ng “Public Atorni” araw-araw mula Lunes hanggang Biyernes sa ganap na 4:30 ng hapon  sa TV5. Makinig sa “Abogado ng Bayan” sa Radyo ng Bayan, DZRB, 738 khz AM band, 6:30 a.m. mula Lunes hanggang Biyernes.  Isangguni ang iba pa ninyong usaping legal sa aming opisina sa address na nakasaad sa pitak na ito o kaya ipadala ang inyong katanungan sa aming e-mail address: This e-mail address is being protected from spambots. You need JavaScript enabled to view it. o tumawag sa PAO hotline: 929-9436 anytime.

Ang mga serbisyong legal ng PAO gaya ng “legal advice,” court representation, pagsasagawa ng dokumento, notaryo at iba pa ay libre at walang bayad mula sa kliyente ng PAO sang-ayon sa R.A. 9406 (PAO Law). Sang-ayon din sa nasabing batas, ang katunggali o kalaban sa kaso na matatalo ang magbabayad ng attorney’s fee sa PAO para ideposito sa National Treasury. Maaaring isumbong kay Chief Acosta ang sinumang public attorney o empleyado ng PAO na manghihingi o tatanggap ng salapi mula sa kliyente ng PAO sa address na ito: 5th Floor, DOJ Agencies Building, NIA Road corner East Avenue, Diliman, Quezon City, 1104.