News have reached us that the Philippine Charity Sweepstakes Office  is packing up again to transfer from the Philippine International Convention Center to I do not know where.

The PCSO today has a board composed of five members who behave like homeless gypsies, not knowing where to go next.  Buhat noong umupo sina Juico and company sa PCSO, wala nang ginawa kundi magpalipat-lipat ng opisina.

Mula sa Quezon Institute Complex lumipat sa PICC kung saan hindi naman nagkasya ang 1,200 PCSO employees. Limang daan  lamang ang na-accommodate sa PICC, at ‘yong 700 empleyado ng ibang PCSO departments ay isiniksik sa Waste Management ng Quezon City Hall. Doon inilagay ang Clinic at Fund Allocation. Di kaya dahil tatakbo sa local elections sa darating na taon ang dalawang anak ni Juico?  Malaki nga naman ang magagawa ng PCSO upang ipanalo ang dalawang anak.  Di kaya ‘yan ang tunay na dahilan?

Ang balita, ang anak niya na ngayon ay councilor, si Joseph Juico, ay tatakbo for Congress sa 2013 elections; at ang anak niya na kanya ring chief of staff  sa PCSO ay tatakbo naman for councilor sa puwesto na iiwanan nong kapatid. Malaki nga naman ang maitutulong ng PCSO sa kampanya ng dalawang magkapatid. Sinimulan na noon pa.  Lahat ang botante ng kanilang distrito sa San Francisco del Monte (1st District, Quezon City) ay nabibigyan kaagad ng tulong, at may endorsement pa galing kay Juico. Sa express lane lahat ang tuloy. ‘Yan ang order ng nakatataas.  

Nang paalisin ng Quezon City Hall ang PCSO sa Waste Management last August, at kailangan na raw ng Quezon City Hall ang lugar, inilipat naman ni Juico sa di malayo sa City Hall, sa Lung Center naman inilagay.  Katakot-takot na naman ang gastos sa paglipat.

Bago mailipat ‘yong Clinic at Fund Allocation na nasa Quezon City Hall, sa Ospital ng Maynila ang unang lilipatan sana nila, ‘yong space daw para sa mga drug addicts sa tabi ng Manila Zoo.  Nagdeposito na si Juico ng P4 million at inihahanda na ang renovation ng lugar.  Pero may nangyari na nag-back out ang Ospital ng Maynila at hindi na pinayagang lumipat doon ang PCSO Clinic at Fund Allocation. Goodbye na ‘yong ginastos to renovate.

Ngayon na pinapaalis na ang PCSO sa PICC, saan namang lungga ililipat ni Margie ang PCSO? Nag-uumpisa na raw mag-alsa-balutan sa PICC.

Sa paglipat sa PICC, gumastos sila ng P103 million to farm out the PCSO offices and departments in many places in Metro Manila, na watak-watak.  Ngayon gagastos na naman. Magkano na naman kaya?

Ang sinira nilang gamit, equipment, at building occupied ng PCSO noon sa QI, hundreds of millions gone to waste, for that building had all the state-of-the-art facilities already installed to put the PCSO on world-class category. Sa aking pananaw, aabot siguro sa isang bilyon ang itinapon nina Juico na pera ng taongbayan. Bakit sila ang walang kaso at kami pa ngayon ang kinakasuhan? Defense mechanism?

Natitiyak ko na ililipat din ni Margie  sa malapit sa Quezon City Hall ang paglilipatan nila pag-alis ng PCSO sa PICC. Sigurado ako, lalo na at nalalapit na ang eleksyon.  To make her two sons win next year, ‘yan ang top priority and foremost in Juico’s mind. Only she could do such a thing. And yet, okay lang daw ang lahat na ‘yan sa Malacanang.

Ano na ang dapat gagawin? Huwag iboto ang dalawang anak. May kasabihan: “Like mother, like sons; like father, like sons?”

Lagot ang mga ibang kakandidato sa QC District I. Ang pinangangambahan ng marami ay ang pagbuhos ng pera ng PCSO sa kanilang makakalaban. Salamat na lang at nasa 4th District kami para hindi na namin mapansin ang botohan sa District I.  Bahala na sila.  Politics is the farthest thing from my mind.  I never liked it.

Sabi nga ng mga tao, ang gusto daw magpayaman ng bigla, pumapasok sa pulitika at malaki ang kita at “tax free” pa. ‘Yan raw mga taong ‘yan ay hindi daw tatanggapin sa private corporations kaya nasa pulitika lamang ang tsansa nilang magka-oportunidad yumaman sa ‘di tamang paraan na hindi nila magagawa sa private business.

E-mail comments to  This e-mail address is being protected from spambots. You need JavaScript enabled to view it.