MISTULANG inamin ng administration na wala itong kakayahang pigilin ang presyo ng petroleum products dahil na rin sa umiiral na Oil Deregulation Law.

Kinumpirma ni Presidential Spokesman Edwin Lacierda na walang balak ang administration na maglagay ng ceiling price sa petroleum products matapos ang pinakabagong oil hike na ipinatupad ng mga oil companies.

Katwiran ni Lacierda, may mga ginagawa nang plano ang administration tulad ng masusing pag-aaral ng Land Transportation Franchising and Regulatory Board (LTFRB) kung dapat na ibigay ang fare hike na hirit ng transport group, gayun din ang reactivation ng Pantawid Pasada ng Department of Energy (DoE).

Ang pinagtataka ng taumbayan, araw-araw nababasa, naririnig at napapanood sa television ang mga balita ukol sa iba’t ibang uri ng mga alternative fuel program para sa transport groups pero bakit daw hanggang ngayon ay program pa rin ito?

Panahon pa raw ng dating administration noong ito ay na-approve at may budget na ang mga programang tulad ng Electric Vehicles, Liquefied Petroleum Gas (LPG), Bio-diesel, at Compress Natural Gas (CNG). Ngayong nasa dalawang taon na ang Aquino administration, nanatiling programa pa rin ang mga nasabing alternative fuel.

Matagal na rin daw itong na-scrutinized at pumasa sa lahat ng test ng mga ahensiya ng gobyerno tulad ng Department of Environment and Natural Resources, Department of Trade, Department of Transportation and Communications at Technical Education and Skills Development Authority (TESDA).

Marami ang nagtataka sa kabila na sinasabi ng gobyerno na ang mga alternative fuel ang solution sa problema sa transport, pero bakit hindi raw maipatupad?

* * * *

Katunayan sa press conference ng Public Information Agency (PIA), inilunsad ng (DoE) ang E-trike design contest bilang 100% support sa mga alternative fuel program tulad ng electric vehicle.

Ayon mismo kay Secretary Rene Almendras ng DoE, ang top three winning entries sa Feb. 24 ay may premyo na tig-P200,000.

Ang design na E-trike ay dapat three-wheeled electric vehicle at hindi lalagpas sa anim na pasahero maliban sa driver. Ang design dapat ay ipakita sa 2D at 3D na iginuhit sa pamamagitan ng AutoCad software kasama na ang description ng design.

Ang mga entry na isusumite ay dapat nakalagay sa isang CD at may hard copy na A3 ang size kasama ang registration form at duly notarized Oath of Ownership na nakalagay sa isang sealed envelope.

Ang mga criteria sa judging ay aesthetics/creativity, originality/innovation, ergonomics, safety at functionality.

Sa Feberuary 17 ng alas- 4 ng hapon ang deadline ng submission ng entries sa DoE-EUMB.

Para sa mga reactions pwede po kayong  mag e-mail sa This e-mail address is being protected from spambots. You need JavaScript enabled to view it. .