NOONG Lunes inanunsiyo ng Land Transportation Franchising and Regulatory Board na ipatutupad ang nationwide “minimum wages” sa mga bus drivers.

Sa mahabang pag-aaral ng Department of Labor, Department of Transportation and Communications at ng LTFRB, ito ang nakitang solusyon ng nasabing inter-government agencies upang wakasan na ang mga sinasabing no-nonsense bloody bus accidents na kinasasangkutan ng mga bus drivers.

Umaasa ang liderato ng LTFRB lalo na si Chairman Jaime “JJ” Jacob na ang fixed salary sa mga bus driver ang sagot upang hindi na masangkot ang mga ito sa reckless driving na siyang sanhi ng mga madudugong aksidente na ikinamamatay ng mga inosenteng pasahero.

Positibo naman ang pangtanggap ng mga bus operators at nagsabing susunod sila sa utos ng LTFRB sa issue ng fixed salary, kaya lang daw hanggang ngayon ay wala pa sa kanilang ibinibigay na Internal Rules and Regulations (IRR) kung paano ipatutupad ang nasabing bagong MO ng board.

Speaking of LTFRB, natuwa ang publiko lalo na ang mga taxi riders sa bagong programa ng board na “taxikick.com.”

Ang taxikick.com ay ang pinakabagong armas at paraan ng mga pasahero ng taxi upang isumbong ang lahat ng uri ng kabalastugan ng mga abusadong taxi drivers direkta sa leadership ng LTFRB.

Ang nasabing website taxikick.com ay real time at ang reklamo ay direkta sa data base ng LTFRB kung kaya’t mabilis na mabibigyan ng aksyon ang lahat ng reklamo ng mga pasahero laban sa mga abusadong taxi drivers.

Katunayan, mula nang ilunsad ang taxikick.com noong isang linggo halos 1,400 reklamo na ang tinanggap ng website na ito ng LTFRB laban sa mga abusadong driver.

* * *

Sa panibagong P1.50 kada litro sa diesel at P1.75 sa gasoline na oil hike, sagad na sa ngitngit ang iba’t ibang grupo ng transports lalo na ang PISTON.

Umasa daw ang administration Aquino na tuluy-tuloy ang kanilang mass actions na isasagawa patungo sa isang malawakang transport strikes dahil sa tuluy-tuloy na oil hike na kinukinsinti ng Department of Energy at ng administration Aquino.

Batikos pa ni George San Mateo ng PISTON, ipinagtatanggol at nagmimistulang spokesman pa ang DOE sa tuwing magpapatupad ng oil hikes ang mga oil companies.

Hiling naman ng grupo ni Efren de Luna na Alliance of Concerned Transport Organizations (ACTO), na ibigay na ng LTFRB ang P2 fare hike sa kanilang hanay na halos isang taon na raw nakabinbin sa board.
Katwiran pa ni De Luna, sa ngayon hindi lang presyo ng petroleum ang sangkot sa issue, kasama rin dito ang patuloy na pagtaas ng mga prime commodities tulad ng tinapay, bigas, mantika, tubig, kuryente, gatas, spare parts, toll fees, at valued added tax, at ang dekadang problema sa mga abusadong traffic law enforcers na sangkot sa kotong.

Dalangin ng grupo ni De Luna na ikukunsidera ng board ang lahat ng isyung ito upang ibigay na ang matagal ng nakabinbin na petition of fare hike.

* * *

Punong- puno ng pag-asa ang mga miyembro ng Philippine Air Force (PAF) sa bagong commanding general nito na si Major General Lauro Catalino dela Cruz.

Si Gen. Dela Cruz ang napili ni Presidente Benigno Aquino III na bagong pinuno ng PAF bilang kapalit ng nagretirong si Lt. Gen. Oscar Rabena.

Saludo ang lahat ng sundalo ng PAF kay Dela Cruz at sinasabing hindi nagkamali nang pagpili at pagtatalaga si Pangulong Aquino sa kanilang bagong pinuno sa PAF.

Sa inyo  dyan sa PAF umaasa ang buong sambayanan na maglilingkod kayo ng buong puso MABUHAY PO KAYO!

Para sa mga reactions pwede po kayong tumawag o mag text sa 09209208049 o mag e-mail This e-mail address is being protected from spambots. You need JavaScript enabled to view it. .