NABIGO ang mithiin ng Department of Transportation and Communications sa kanilang programang “Oplan: Ligtas Krismas” nang mabahiran ng dugo ang pagpasok ng 2012 matapos mamatay ang isang bus driver at masugatan ang 39 iba pang pasahero nang magbanggaan ang Eagle Star Bus Line at AB Liner Bus noong Miyerkules ng umaga sa Barangay San Agustin, Alaminos, Laguna.

Sa official report ng Laguna PNP sa ilalim ni Senior Supt. Gilbert Cruz, hindi ordinaryong aksidente lamang ang pangyayari kaya’t masusing iniimbestigahan ito ng traffic unit ng Laguna PNP.

Layun sana ng programa ni Sec. Mar Roxas II ng DOTC ang “zero” casualty o fatality, pero nabahiran pa rin ito ng dugo.

Marami ang nagtatanong ngayon kung ano raw ba ang nangyari sa ginawang random drug testing, medical, roadworthiness at physical checkup ng DOTC-Land Transportation Office-Land Transportation Franchising and Regulatory Board . Bakit nangyari pa ang head-on        collision sa dalawang bus?

Dapat daw siguro eh doblehin pa ng inter-government agencies sa ilalim ng DOTC ang efforts nito upang tuluyang maiwasan ang mga ganitong grabeng aksidente.

Sa panig ng mga may-ari ng bus, ano raw ang pananagutan nito upang makatulong ng gobyerno upang hindi na mangyari ang mga              ganitong aksidente sa hinaharap.

Speaking of Sec. Roxas, Sir, nais pong iparating ng mga kliyente ng LTO sa pamamagitan ng On the Beat: Ano na raw po ba ang nangyari sa programa ng LTO tungkol sa  Request System Update?

Sa kaalaman po ng publiko, ang RSU ay ang ginagawang pagtatama ng altered information sa Certificate of Registration (CR) ng isang sasakyan na ’di sinasadya o dahil sa human  error.

Sa reklamong tinanggap ng On the Beat, inaabot ng halos buwan ang isang simpleng transaction ng RSU.

Umaasa ang mga kliyente ng LTO, once and for all, na solusyunan agad ito  ni Sec. Roxas dahil bukod sa magastos, abala sa panahon sa pag- follow-up sa mga opisina ng LTO.

Reminder lang, Mr. Secretary, nakakabawas sa magandang imahe ng inyong leadership ang mga ganitong negative feedback dahil nasa ilalim ninyo ang LTO.

* * * * *

Nakausap natin ang hepe ng LTO-Motor Vehicle Inspection Center na si Engineer Joel Donato.  Sinabi niya na kahit na anong sasakyan sa kapag lumabas sa kanilang opisina ay tiyak na 100% roadworthy ito.

Ngayon 2012, marami raw programa ang DOTC-LTO-MVIC upang lalo pang mapaigting ang inspection sa mga sasakyan na dadaan sa kanila lalo na sa mga public utility vehicles                    (bus, taxi, jeep, school bus, AUV, FX, at tourist bus).

Tulad daw ng utos ni Sec. Roxas, safety ang pangunahing layun ng mga programang gagawin ng LTO-MVIC.

* * * * *

Sa pagpasok ng 2012, dalawang transport groups ang militant Pagkakaisa ng Tsuper at Opereytor Nationwide at  Alliance of Concerned Transport Organizations (PISTON-ACTO) ang hiwalay na nagpahayag ng isang malawakang transport protest o strike bilang sagot sa ginawang oil hike na pasalubong ng mga giant oil companies sa taumbayan.

Iginigiit ni George San Mateo, presidente ng PISTON, susunud-sunurin nila ang transport caravans at transport protests bago nila isagawa ang isang malawakang transport strike bilang tugon sa kawalang silbi ng administration sa walang humpay na oil hike na ginagawa ng mga oil companies.

* * * * *

Para sa mga reactions, pwede po kayong tumawag o mag-text sa 09209208049                  o mag e-mail This e-mail address is being protected from spambots. You need JavaScript enabled to view it. .