DIRETSAHANG inamin ni Solenn Heussaff sa press launching niya bilang 2012 Ginebra San Miguel calendar girl, na siya mismo ang nagpasyang mag-pose ng sexy para sa naturang calendar.   

“Kahit boyfriend ko hindi makapipigil sa anumang plano ko sa buhay ko. Ganyan ang arrangement namin ng sinumang karelasyon ko,” say ng seksing-seksing si Solenn.

Pero pinagdiinan ni Solenn na may limitation ang kanyang pagpapaseksi.

Gusto niyang makita ng publiko na classy ang kanyang kaseksihan at hindi bastusin.

At kitang-kita nga ito sa kanyang mga pose sa Ginebra San Miguel calendar na very artistic ang dating.

Tsika ni Ginebra Marketing VP Nelson S. Elises, napili nila si Solenn na bagong Calendar Girl at endorser ng kanilang produkto dahil daw may mapagkum-babang pananaw sa buhay.

“Kilalang-kilala man siya (Solenn)  at malayo na ang narating, simpleng tao pa rin siya at kayang ma-kibagay kahit kanino. Tulad ng ipinagmamalaki naming produkto na Ginebra San Miguel. Lumipas man ang mahigit  100 taon at napakaraming parangal at international  awards, nananatili pa rin itong malapit sa puso at panlasa ng nakararaming mga Pilipino,” say ni VP Nelson.

* * *

HANGGANG ngayon, na-aalala pa ni Ervic Vijandre ang pagsali niya Survivor Philippines Celebrity showdown last year at madalas pa ring napapaginipan ang mga nangyari sa kanya sa isang isla sa Thailand.

Say ni Ervic sa presscon ng Kokak: “Napapanagi-nipan ko pa rin ang mga nangyari sa akin sa isla na magiging bahagi na ng buhay ko sa pagsali ko sa reality show na ito ng GMA7. Kahit hindi ako nanalo, at least, lumaban ako.

“Kinaya ko talaga ang mga hirap sa isla.Pagod sa challenge, kulang ang pagkain, bilad sa araw. Hirap ka talaga. Pero bakit ang mga babae nakakayanan, ako pa na isang athlete?”

If ever alukin siya ulit na sumali sa Survivor Philippines, hindi raw siya mag-dadalawang-isip na tanggapin ito.

At dahil sa Survivor Philippines, nakilala na ngayon si Ervic at hindi na idinidikit ang kanyang pangalan sa ex-GF niyang si Marian Rivera.

Ngayon, may pangalan na si Ervic at hindi na lang basketball player-turned-mo-del. Kasama siya sa drama series na Kokak, na napapanood after Eat Bulaga, bilang bestfriend ng leading man na si TJ Trinidad.

Umaasa rin si Ervic na mabibigyan pa siya ng mara-ming projects ng GMA7.