NAGTUNGO sa bayan ng Agoncillo ang mga kinatawan ng Pamahalaang Panlalawigan sa pangunguna ni Batangas Governor Vilma Santos-Recto upang ipaabot ang serbisyong pang-edukasyon at pangkalusugan  para sa mga mag-aaral at mamamayan ng bayang ito noong  Pebrero 13.

Naging tampok sa okasyon ang pagbubukas at pag-papasinaya ng 2-storey-4 classroom building na laan ng provincial government para sa Agoncillo Central School.

Ang blessing at pormal na turn-over ng bagong gusali ay taos-pusong tinanggap ng mga opisyal ng nasabing paaralan  ganun din ang mga estudyante at mga magulang na sumaksi sa programa.

Matapos ang inagurasyon, tumungo ang grupo ni Gov. Vi sa Bgy. Barigon Elementary School, isang paaralan sa bulubunduking barangay ng Agoncillo, upang alamin ang katayuan ng mga mag-aaral at guro doon.              Pinapurihan ni Governor Vi ang mga guro ng nasabing paaralan sa dedikasyon ng mga ito sa pagtuturo sa mga bata.

Bagama’t may kalayuan, napanatili ng mga guro at opisyal ng Bgy. Barigon ang kaayusan ng paaralan at mapanatili  ang interes ng mga bata sa pag-aaral sa harap ng malayong lakbayin bago marating ang paaralan.

Isang deriktiba ang ibinigay ni Governor Vi sa kanyang pamunuan na siguraduhing maisaayos at makumpuni ang mga sirang silid-paaralan partikular sa rural areas ng lalawigan.
Beth Gelena