MALOLOS City -- Swak sa kulungan ang limang hinihinalang drug pusher matapos na madakip ng mga tauhan ng Bulacan police sa magkakahiwalay na drug operation sa mga bayan ng Plaridel at Marilao at sa lungsod ng Malolos at San Jose del Monte noong Biyernes.

Sa isinumiteng ulat kay Senior Supt. Fernando Mendez Jr., Bulacan police director, kinilala ang mga naarestong suspek na sina Wilson Dalisay, 32, may-asawa, jobless, residente ng Purok 4, Bgy. Sto Niño, Plaridel; Bernard Asim, 20, taga-Blk. 27, Lot 7, Phase 2, Northville 4, Bgy. Lambakin, Marilao; Michael Delos Santos, 21, single, residente ng 39 Bgy. Bangkal, Meycauayan City; Abdul Minalang, 26, technician at Charyl Mae Lumasac, 18, jobless, pawang residente ng Purok 5, Bgy. Paradise III, CSJDM, Bulacan.

Natimbog ng mga operatiba ng Plaridel si Dalisay sa isang buy-bust operation at nakuhanan ang suspek ng tatlong plastic sachet na may lamang shabu.

Sina Minalang at Lumasac ay nahuli na may kalibre .38 sa beywang sa isang checkpoint na isinasagawa ng San Jose del Monte Police. 

Maliban sa baril, nahulihan ng dalawang maliit na plastic sachet ng shabu ang mga suspek at agad dinala sa San Josedel Monte City police station.

Si Delos Santos ay inaresto ng mga operatiba ng Malolos police bandang ala-1 ng hapon sa loob ng Bulacan Provincial Jail matapos tangkaing magpasok ng tuyong marijuana sa loob ng panglalawigan piitan.

Arestado naman ng mga barangay tanod ng Bgy. Lambakin si Asim na may dalang pinatuyong dahon ng marijuana.

Nahaharap ang mga suspek sa kasong paglabag ng Republic Act 9165.