MALOLOS City – Umabot na sa 77 kataong wanted na may iba’t  ibang kaso ang nasakote na ng mga operatiba ng Bulacan noong buwan ng Enero matapos muling makahuli ng 16 katao sa magkakahiwalay na operasyon noong huling linggo ng Enero.

Sinabi ni Senior Supt. Fernando Mendez Jr., Bulacan police director, na hangarin nila na mahigitan ang nahuling 806  wanted persons noong nakaraang taon.

Ayon sa ulat sa provincial director, apat katao na pawang nagtatago sa batas ang natimbog ng Marilao police sa pangunguna ni Supt. Gerry Andaya, Marilao police chief.

Kinilala ang mga ito na sina Andrew Lou Mendoza, 32, residente ng Block 418, Lot 1, Jupiter St., Heritage Homes, Bgy. Loma de Gato, na may kasong anti-violence against children at may bailbond na P80,000; Leonilo Billosa, a.k.a. Tattoo, 44, may kasong frustrated homicide; Dave Laca, 38,  may kasong reckless imprudence resulting  in slight physical injuries; at Fernando Cruz, 19, may kasong nakabinbin na rape in relation to RA 7610 at no bail recommended.

Sa lungsod ng San Jose del Monte City  ay nahuli sina Mike Porras, 37, at Marlon Hernandez, 21, na pawang may kasong robbery. Sina Zammy Natividad, 22, taga-Tabang, Guiguinto, Bulacan,  (unjust vexation) at Renzo Dwin Gugulin, 16 , na may kasong robbery ay nadakip sa Guiguinto.

Base sa ulat ni Supt. Rizalino Andaya, Baliuag police chief, nakatimbog sila ng dalawang katao na nahaharap sa kasong theft na sina Hernando Santiago, 46, at Alfredo Martin, 49.

Kinilala rin ni Mendez ang mga nahuli sa iba’t ibang bayan ng Bulacan.

Sa Norzagaray ay natimbog sina Louie Mateo, 29, at Erick Borja, 17  (robbery); sa Pandi ay nasakote si Lester Nolasco, 16, (attempted robbery); sa Hagonoy ay nahuli si Charlie Fermin, 41, (less physical injury); sa Malolos City ay nadakip si Xenia Cacas, 39, (estafa); at sa Meycauayan ay naaresto si Gelacio Sangalang, 42, (violation of Section 5, Article II of RA 9165).