NASAWI ang isang miyembro ng “Sigue-Sigue Gang” matapos na paluin sa ulo ng dos por dos na kahoy ng kapwa preso sa loob ng Quezon City Jail kamakalawa ng gabi.

Natukoy naman ang salarin na si Regie Reyes, 29, may kasong kidnap for ransom at secretary ng SSG.

Nangyari ang insidente sa nasabing piitan na matatagpuan sa Bgy. Kamuning ganap na alas-10 ng gabi.

Ayon kay Vela, nag-ugat ang insidente nang tangkain umanong saksakin ng balisong ni Liwag ang kaseldang si Reyes.

Bilang depensa, kumuha ng kahoy si Reyes at ipinalo sa ulo si Liwag.

Sa inisyal na imbestigasyon, bago ang insidente sinita umano  ni Reyes si Liwag dahil sa pagpapakalat umano nito ng tsismis sa ibang gang hinggil sa bantang i-riot nito ang Bahala Na Gang.

Dahil dito, nagkaroon ng mainitang pagtatalo hanggang sa magbunot ng patalim si Liwag at tangkaing saksakin nito si Reyes, pero nakadampot ng kahoy at pinalo siya sa ulo.

Samantala, aminado naman si Vela na may mga patalim pa ring nakalulusot sa bilangguan, subalit mahigpit na ipinapatupad nila ang pagbabawal kaugnay dito.

Nabatid na aabot sa 3,000 bilanggo ang nakakulong sa Quezon City Jail habang 165 na BJMP personnel lamang ang nagbabantay dito.

Ang ideal na bilang ng mga bilanggo ay dapat nasa 800 lamang dahil nasa 3,000 square meter ang laki ng Quezon City Jail.