NAGULAT kami nang makita namin ang Japanese/actor/producer na si Jacky Woo na walang damit pang-itaas sa Quiapo kamakailan.

Ikinagulat namin ang tattoo niya sa likod na makikita lang sa isang Japanese Yakuza.

Natawa si Jacky sa amin dahil sa pag-aakala naming member siya ng kinatatakutang Yakuza na nagpunta  sa Pilipinas para magtago rito at mag-recruit na rin ng magagandang mga Pinay. Ka-rakter lang daw niya sa ginagawa niyang indie film ang pagpapa-tattoo sa likod ng marka  ng  isang Yakuza.

Ipinahimas pa niya sa amin ang tattoo na super-smooth at hindi sasabihing fake ‘yun.   

*  *  *

Napasyal kami sa taping ng Spooky Night Present: Ring…Tone  na balik-tambalan nina Kris Bernal at Aljur Abrenica.

Super-sweet ang dalawa at iisipin ng nakakakitang  nagkabalikan or muling bumalik ang matamis nilang pagmamahalan.

Pero, ayon sa dalawa, talagang friends lang daw sila. Wala raw puwang sa kani-kanilang puso ang pag-ibig sa isa’t isa.

Pakiusap ni Kris, sana raw ay huwag pababayaan ng kanilang fans ang kanilang tambalan ni Aljur kahit nga hindi talaga sila lovers.