Nang makausap si Richard Gutierrez sa shooting ng My Lady Boss, wala pa itong mabanggit na kongkretong project niya sa GMA-7 dahil napalitan ang concept pati ang title.

Hindi na raw ang The Exodus na unang nabalita ang magiging title ng next soap niya. 

Well, tila may napili nang concept ang network para kay Richard at balita namin, Notorious ang working title ng soap at sana, ’di na mapalitan dahil bagay sa concept na suspense thriller/action/mystery.

Si Lovi Poe ang makakapareha ni Richard at kundi kami nagkakamali, first time silang magtatambal sa TV kahit matagal na sila sa GMA-7.

Balita ring si Mark Reyes ang director ng Notorious, pero malay natin kung mapalitan pa.

Magti-taping na raw sina Richard at Lovi dahil ang Notorious o kung anuman ang magiging final title ng soap ang papalit sa Pahiram ng Sandali.

Kaya lang, bakit eight weeks lang ang itatakbo ng Richard-Lovi soap? May kinalaman kaya rito ang malapit nang mag-expire na kontrata ng aktor sa Channel 7?

Samantala, May na raw ang playdate ng My Lady Boss nina Richard at Marian, may enough time kung ganoon si Direk Jade Castro na mapaganda nang husto ang balik-tambalan ng dalawa.

* * *

Hindi kami magugulat kung bigyan ng cellphone ni Cesar Montano si Alessandra de Rossi, leading lady niya sa Alfredo S. Lim: The Untold Story, dahil pinagtitripan nito at ng ibang cast ang hindi hi-tech na cellphone ng aktres.

Nagbiro pa nga ang aktres na ibabato na lang ang cellphone. Hahaha!

Tuwang-tuwa si Alex sa movie dahil first time niyang maging leading lady at feeling maganda siya dahil hindi siya sanay na maganda at ang alam, lahat ng leading lady ay maganda.

Sa birong hindi pa rin siya puwedeng leading lady dahil wala siyang boobs, “may boobs ako, iniwan ko lang sa bahay para magmukha akong harmless,” sagot ni Alex.

Natuwa si Alex nang ikumpara siya ni Cesar kay Maricel Soriano dahil cute ang katarayan niya.

Touched at honored si Alex sa “she reminds me of Maricel” comment ng actor-director.

Sa February 27 ang showing ng Alfredo S. Lim: The Untold Story at sa Feb. 26 ang premiere night sa SM Manila na tiyak dadaluhan ni Mayor Lim ng Manila.

* * *

Ang lakas talaga ng sense of humor ni Luis Manzano dahil nang tanungin kung ano ang isinakripisyo para sa Pilipinas Got Talent, 28 telenovelas ang isinagot.

Si Billy Crawford naman, ASAP, na hindi niya napupuntahan minsan. Idinaan din ni Luis sa biro ang sagot sa mga nagsasabing kuripot siya, siguro raw ang nagsabi nito ay mga hindi niya nabigyan.

Anyway, sumabay na si Billy kay Luis sa pagiging slim and fit. Nagpapayat siya for health reasons.                                        NITZ MIRALLES