Muling nagkasama sa pelikula sina Judy Ann Santos at Iza Calzado sa indie film na Mga Mumunting Lihim written and directed by Joey Reyes at entry sa 2012 Cinemalaya.

Unang nagkasama ang dalawa sa mga pelikulang Ouija ng GMA Films at Sabel ng Regal Entertainment.

Kasama rin sa Mga Mumunting Lihim si Agot Isidro at dapat ay kasama si Eugene Domingo, pero inaayos pa ang schedule.

Parang hindi pang-indie film ang cast ng pelikula, tiyak na isa ito sa mga aabangan sa Cinemalaya.

Konting paglilinaw, hindi ang Alta ang first soap ni Iza sa ABS-CBN dahil shelved na ang project, pero posibleng sila ni Gabby Concepcion pa rin ang magkapareha sa ibang soap ng Channel 2.

* * *

Second taping day dapat ni Julie Anne San Jose para sa Tweenhearts today, pero ’di matutuloy dahil sa schedule conflict.

Ginagampanan nito ang role ni Mira, singer na makakasama ni Jacob (Jake Vargas) sa pagpasok nito sa showbiz.

One month maggi-guest sa number one youth-oriented show ng GMA-7 ang singer-actress, hindi pa alam kung sino ang makakapareha niya.

Last Monday, after pumirma ng recording contract sa GMA Records, nagsimula agad mag-recording si Julie Anne.

Una niyang ni-record ang remake ng Bakit Ba Ganyan? ni Dina Bonnevie na gagamiting theme song ng launching movie nila ni Elmo Magalona na Just One Summer sa direction ni Mac Alejandre.

Ni-record din nina Julie Anne at Derrick Monasterio ang remake ng Sa Aking Puso na gagamiting theme song ng My Kontrabida Girl nina Rhian Ramos at Aljur Abrenica.

Eight more songs ang ire-record ni Julie Anne para sa sabi’y self-titled album to be released sa April, sabay o una sa showing ng Just One Summer.

Sumabay si Julie Anne kay Sarah Geronimo sa pagti-trending sa Twitter.

Si Sarah, hindi natinag sa pagiging number one since Sunday, at si Julie Anne, since Monday up to now, nasa top 10 ng trending.

* * *

Nag-react si Sunshine Cruz sa Twitter sa nasulat na amoy alak si Cesar Montano sa press preview ng Hitman sa My Cinema ng Greenbelt 4.

Tweet nito: “NOT TRUE! That person needs to know how to distinguish A&F fierce cologne to liquor.”

Wala kaming naamoy na alak nang lumapit kami kay Cesar at matagal namin siyang nakatabi dahil nagpalibre kami ng ice cream ni Nora Calderon sa Cold Rock.

Nakita namin siyang kumakain ng ice cream at nainggit kami, kaya ibinili kami ng ice cream.

Sinamahan pa kami nito sa ice cream parlor at siya pa ang nagbayad.

Anyway, mapapanood sa Hitman ang three-minute monologue ni Mark Herras at iba nga ang role niya rito sa mga nagawa na.

May twist din ang karakter ni Mark.

* * *

Sa My Beloved, maaabutan ni Monica (Jennica Garcia) si Sharina (Marian Rivera) na nakahandusay at pinagnakawan sila.

Hindi alam ni Sharina ang gagawin sa pagkawala ng Kristong Hari.

Isi-seduce ni Emmie (Katrina Halili) si Benjie (Dingdong Dantes), dahil nagulat, ipagtatabuyan ang ’di makilalang GF.

Worried si Benjie kay Sharina, kaya pupuntahan ang dalaga sa bahay.

* * *

Sa Valiente, patay na si Luming (Gina Alajar) at itatago ni Trining na ang anak niyang si Theo (Oyo Sotto) ang aksidenteng nakabaril dito at itatago ang ebidensya at ito’y ang balang nakita sa katawan ni Luming.

Malalaman pa na ang baril na ginamit na ikinamatay ni Luming ay galing sa gun collection ni Don Armando (Mark Gil).