MALILIGWAK tiyak ang ka-loveteam ni Julie Anne San Jose na si Elmo Magalona ngayong todu-todo na ang buildup na gagawin sa kanya ng GMA Network.         Bukod sa paglabas sa Party Pilipinas, pelikula sa GMA Films, heto’t pumirma na rin ang young singer sa GMA Records at ilalabas na ang solo album niya sa Mayo.

“Ay hindi naman po. Si Elmo naman po, since ka-loveteam ko siya, parang bonus na rin po. I think it’s time to have my own album naman,” sey ni Julie Anne sa contract signing niya kamakalawa.

Wala pang final line-up ng songs ng album niya pero ayon sa kanya, “I would love, too, na makasama ko si Elmo sa album.”

Kasama sa album ang dalawang compositions niya   at merong three covers. Paano na ang akting career niya?

“Gusto ko ring pong mag-akting. Nabuhay po kasi ako sa music. Kumbaga, bata pa lang ako, kumakanta na ako. Okey naman po. Okey din akong mag-acting,” sey niya.

Eh, sa gagawin nilang movie ni Elmo, meron ba silang kissing scene?

“Hahaha! Kung ano po… kung nasa eksena po talaga, gagawin po namin,” sagot ni Julie Anne.

Love ba niya si Elmo?

“Hahaha! Bakit ganoon po ang tanong? Kasi wala pa po sa isip ko ang bagay na ’yan. Turning 18 pa lang po ako,” rason niya.

Ayaw ba niyang maging boyfriend si Elmo?

“Hindi naman po sa ayaw. Hindi pa po ako talaga handa and this is not the right time to fall in love,” katwiran niya.

Bakit naman?

“Kasi po, bata pa po ako. Siyempre, focus muna sa work at career,” tugon ng young singer.

Hindi man handa si Julie Anne na magkaroon ng boyfriend, wala sa crush niya si Elmo dahil mas kinikilig siya kina Dennis Trillo, Richard Gutierrez at Dingdong Dantes, huh! JUN NARDO