Nag-back out daw si Gabby Concepcion sa role bilang father ni Richard Gutierrez sa bagong primetime series sana nito sa GMA7.  Nagkasundo na raw sina Gabby at ang Kapuso Network, pero bigla raw nagbago ang isip ng aktor at mas pinili ang soap sa ABS-CBN.

Ayon pa sa source, hindi raw ‘yun ang unang pagkakataong tumanggi si Gabby sa offer ng GMA7.  Matatandaan na nakausap ng GMA Films si Gabby noong nasa Amerika pa ito para lumabas sa pelikulang Italy: I Trust And Love You.

Nag-commit na raw ito at bahala na raw ang GMA Films sa pamasahe at accommodations niya sa ‘Pinas. Pero nu’ng magbigay na raw ng schedule for shooting ang GMA Films, bigla itong nagback-out kaya ang ipinalit sa kanya ay si Dennis Trillo.

Going back sa offer ng GMA Films, ayaw daw talaga ni Gabby na “tatay” lang siya ni Chard.    Sa series kasi ng Dos, hindi lalabas na tatay si Gabby kundi katambal ni Iza Calzado.

Ano kaya ang reaction ni Chard sa pagtanggi ni Gabby na maging tatay niya sa TV series?

*  *  *

Masaya si Bing Loyzaga dahil muling sumigla ang showbiz  career ng mister na si Janno Gibbs. Inamin ni Bing na dumaan sa hindi magandang bahagi ng buhay si Janno, kaya happy siya na nagtatrabaho na ulit ito. Bumilib si Bing sa ba-gong manager ni Janno na si Perry Lansingan dahil na-tututukan nito si Janno.

By the way, busy rin si Bing ngayon sa bago niyang teleserye sa TV5 na Felina: Prinsesa ng mga Pusa.

Ang huling series niya ay Babaeng Hampaslupa sa Kapatid Network din.

*  * *

Hindi napigilan ni Zoren Legaspi na mag-react sa Paparazzi last Saturday tungkol sa hatian ng yaman nina Kris Aquino at James Yap.

Matapos kasing mapanood ni Zoren ang interview kay James, nasabi ng live-in partner ni Carmina Villarroel, na kung siya ang nasa sitwasyon ni James, hindi raw siya makikihati sa kung anuman lalo na sa pinaghirapan ng iba. Kung si Zoren daw ang nasa kalagayan ni James, hahayaan na lang niyang mapunta sa ina ng kanyang anak ang yaman dahil makikinabang naman daw ang kanilang anak. At kung anuman daw ang naipundar niya, ibibigay niya ito sa ex-wife lalo na at naging mabuti naman itong ina sa kanilang anak.

Ikinuwento rin ni Zoren na ibinibigay na raw niya kay Carmina Villarroel ang lahat ng mga naipundar niya, pero tinatanggihan daw ito ng misis at nagagalit  pa sa kanya.

Sa naging patutsada ni ni Zoren sa Paparazzi kay James, magreact kaya ang sikat na PBA player?