WALA pa si Carmina Villarroel nang umalis kami kahapon sa pictorial ng bagong teleserye ng ABS-CBN na Lorenzo’s Time, dating Frozen Boy, na pinagbibidahan din nina Gina Pareño, Diether Ocampo at Zaijian Jaranilla, kaya hindi namin naitanong sa aktres kung anong pakiramdam na finally, meron na siyang teleserye sa ABS-CBN.

Ayon sa production staff the Lorenzo’s Time, na-traffic si Carmina kaya na-late ito ng dating. Hindi na namin siya nahintay, pero nag-stay ang ilang press para mainterbyu siya.

Light drama ng Lorenzo’s Time ayon kay Diether. Interesting ang story nito na tatakbo sa isang bata na inilagay sa “freezer” dahil may sakit, pero nu’ng magising ito, bata pa rin ang istura kahit 40 years old na.

For the first time, gaganap na rich boy si Zaijian kaya tuwang-tuwa siya. Matatandaang sa Noah, isang Unta ang si Zaijian at isang palaboy na pulubi naman sa katatapos lang na Ikaw Ay Pag-ibig.

“Mayaman po ako dito kaya magaganda ang damit ko, pang mayaman din,” pagmamalaki pa ng batang aktor.

Sa Noah, si Piolo ang kasama ni Zaijian, pero ngayon ay si Diether naman. Ipinakumpara namin sa bata kung sino sa dalawa ang masarap na katrabaho.

“Pareho lang po. Pareho rin silang mabait at guwapo,” tugon niya.

Si Jerome Pobocan ang direktor ng Lorenzo’s Time na ipalalabas na ngayong Marso.

* * *

NAG-RENEW ng kontrata si Johan Santos sa Star Magic nu’ng Biyernes. Kasama niya ang kanyang manager ng pinirmahan niya ito.

Naisip noon ni Johan na lumipat sana sa ibang TV network pero hindi ito natuloy. “In time, alam ko rin naman na mabibigyan ako ng magandang role at break ng ABS-CBN. Willing naman akong maghintay,” pahayag ng aktor.

Bukod sa pag-arte, pinasok na rin ni Johan ang commercial world. Maganda ang feedback sa latest TV commercial niya sa Skyflakes kung saan ibinigay niya ang kanyang first suweldo sa kanyang ina.

“Masuwerte ako kasi ako ’yung kinuha nila for Skyflakes. Ang laki rin ng naitulong sa akin ng commercial na ’yon,” kuwento pa niya.

Last week, nag-shoot ulit ng bagong TVC si Johan kasama ang isang sikat na actor-TV host para sa isang mouthwash. “Support lang ako do’n, pero blessing pa rin ’yon,” kuwento pa niya.

Katatapos lang mag-taping ni Johan for Okatokat 2 and MMK. Magkakaroon din siya ng special appearance para sa isang primetime TV series ng ABS-CBN