Gaano kaya katotoo ang  tsikang magdyowa, as in, girlfriend na  raw ng young actor na si Julian Trono si Julie Anne San Jose?

Si Julie Anne ay nali-link at ka-loveteam ng isa pang young actor ng Kapuso Network  na si Elmo Magalona.

Matagal-tagal na raw ang relasyon ng dalawa  (Julian at Julie Anne ) at alam daw ito ng close friends at pamilya ng dalawa.

Nagsimula raw maging close  friend ang mga ito sa pagsasama nila sa Party Pilipinas  na nauwi sa ligawan at pagiging magkasintahan.

Kaya naman daw  napapansin sa rehearsal at sa mismong show ng Party Pilipinas, sobrang  sweet sa isa’t isa ang dalawa.        Balitang si Julie Anne ang first GF ni Julian, at si Julian naman ang kauna-unahang boyfriend ni Julianne, at hindi si Elmo Magalona, na napapabalita namang may girlfriend na Kapuso rin.

*  *  *

IPINAGTAPAT ng TV5 Programming Manager na si Paolo Bediones na zero ang kanyang lovelife at  pa-minsan-minsan  na lang  ang kanyang sex encounter with opposite sex dahil sobrang busy na siya sa rami ng trabaho sa Kapatid Network.

Tsika pa ni Paolo, noong mas bata pa siya at hindi pa ganito kasikip ang kanyang trabaho, naisisingit niya ang sex life, pero ngayon, ang dami na raw niyang kaila-ngang i-consider bago ang pangangailangan sa sex.

“Sa pagod ko, pag-iisipan ko pa ba ‘yun? Hahaha!” natatawang sabi ni Paolo.