BALIK-noontime show ang magaling na ko-medyanteng si Arnell Ignacio.

Halos ilang taon din si-yang nanahimik sa naturang timeslot. Huling napanood bilang noontime show host si Arnel sa Mangandang Tanghali Bayan sa ABS-CBN, na hindi naman nag-rate at nagsara nang ‘di makaalagwa sa katapat na Eat Bulaga ng GMA7.

Sa grand launch ng ba-gong show ni Arnell sa TV5 na Game ‘N Go,  na tatapat sa noontime show ng ABS-CBN at GMA7, hindi ba nape-pressure si Arnell dahil mabibigat ang kanyang makakalaban?

Say naman ng magaling na host, malaki ang respeto niya sa mga katapat na shows, lalung-lalo na sa  Eat Bulaga. Friends daw niya ang hosts ng dalawang shows kaya hindi naman   daw siya nakakaramdam ng pressure. Para sa kanya raw kasi, trabaho lang  ang paglalaban nila at pare-pareho silang  ang  adhikain, makapagpasaya ng mga tao.

Ang show ni Arnell, tulad ng sa Kapamilya at Eat Bulaga, ay mamimigay din ng limpak-limpak na papremyong salapi. Ang pagkakaiba lang daw marahil, mas magiging bongga ang kanilang presentation.

Kinumusta namin si Arnell kung magkano ang ta-lent fee niya, knowing na ang  TV5, galit yata ‘pag hindi namudmod ng salapi.

Isang malutong na tawa ang  naging tugon ni Arnel sabay sabing mahirap tanggihan ang alok na kadatu-ngan ng TV5.

Tinanong din namin si Arnell tungkol sa paglayas niya sa poder ng dating manager na si Annabelle Rama sa gitna ng kaguluhang nagaganap ngayon sa pagitan nina Annabelle at Nadia Montenegro.

Sabi ni Arnell, nagpaalam daw siya nang maayos kay Annabelle at binigyan naman siya ng blessings ng dating manager. Sa ngayon, wala pang  nahahanap na bagong manager si Arnell.

Anyway, kasama ni Arnell sa Game ‘N Go sina Edu Manzano, Gelli de Belen, Shalani Soledad, Tuesday Vargas, at marami pang iba.

*  *  *

MARAMI ang nagulat sa bagong billboard sa EDSA ng tween star na si Alden Richards.

Naka-topless at naka-shorts lang ang young actor. Fresh and sexy ‘ika nga.

First time para kay Alden ang magpakuha ng sexy, pero happy siya sa kinalabasan ng kanyang kauna-unahang sexy billboard.

Maging ang ama ni Alden, natuwa rin sa nakitang billboard ng anak. Hindi raw kasi akalain ng ama  na ma-kikita ang anak na nasa mala-king billboard sa EDSA.         Kung may natuwa, si-yempre may kumontra din, lalung-lalo na ang lola ni Alden, na isa palang lola’s boy.

Ayon sa grandma ni Alden, napakabata pa raw ng apo para magpa-sexy.