MAY-ARI ng Kia Motors Alabang ang bagong pag-ibig ni Ai-Ai delas Alas ngayon. Jed ang name niya. Matangkad, hunk ang dating at guwapo, huh!

Ipinakilala sa amin ni Ai-Ai si Jed nang akyatin namin ang puwesto nila sa mezzanine ng Zirkoh Tomas Morato. Marami silang kasama at hula namin ay kasamahan ’yon ng lalaki dahil hindi sila mukhang taga-showbiz.

Konting detalye nga lang ang nalaman namin kay Jed dahil mas gusto naming pagmasdan ang sweetness ng dalawa. Eh, si Allan K ang performer that Friday night so tinawag niya sa stage si Ai-Ai at nag-duet sila ng The Prayer.

Iniwan muna ni Allan si Ai-Ai na impromptu na nag-show ng ilang minute. Kapagdaka, tinawag niya sa stage ang bagong dyowa na nagpaunlak naman ng duet kay Ai- Ai, huh!

Medyo behave nga lang si Ai-Ai na ramdam na ramdam ang pagmamahal sa kanya ni Jed, huh!

* * *

WALA pang playdate ang My Kontrabida Girl na pinagbibidahan ni Rhian Ramos. Ang pinagkakaabalahan ngayon ng GMA Films ay ang nalalapit na showing ng horror movie nitong The Road na gawa ni Yam Laranas.

Eh, may tatak na si Yam sa Hollywood dahil sa horror movie niyang Sigaw. Kaya muli siyang nagtagumpay na mapansin ang last film niya ng mga distributors sa Hollywood.

Bukod sa bagong kapalarang ito ng horror film, sa March ay sisimulan na ang movie version ng Boy Pick Up ni Ogie Alcasid, Dennis Trillo, Sam Pinto at Solenn Heussaff.