Sina Sharon Cuneta, Kris Aquino at Nora Aunor ang Top 3 female stars sa 20 top taxpayers for 2011. Si Megastar, nagbayad ng P100M, ang Superstar, nagbayad ng P57M at si Kris ay nagbayad ng P34M.

Hindi pa siguro kasama rito ang P1-B talent fee ni Sharon sa TV5, ibig sabihin, mas malaki pa ang babayaran niya sa BIR next year.

Samantala, sa March na raw magsisimula ang daily talk show ni Sharon sa TV5, hintayin natin ito.

* * *

Matitigil na siguro ang speculation na lilipat sa ABS-CBN si Carla Abellana dahil ibinalita na ni Richard Gutierrez na isa ang aktres sa mga makakapareha niya sa action-drama soap na gagawin sa GMA-7.         Nagbabakasyon sa States si Carla, hindi siya mahihingan ng reaction dito.

Isa pa sa leading ladies ni Richard si Sarah Lahbati na tuwang-tuwa dahil after Kokak, primetime soap na ang gagawin at si Richard pa ang kapareha.

Dapat kasama rito si Jennylyn Mercado, pero hindi na yata tuloy, bakit kaya?

Sabi, si Ricky Davao ang magdidirek ng soap ni Richard, first primetime niya ito at tiyak na mas tataba siya at dadami ang putting buhok sa stress.             Matanong nga si direk kung package deal sila ni Sarah dahil siya rin ang director ng Kokak.

* * *

Babalik na sa England si Charlie Green bukas, February 19, after i-promote ang second album niya sa Viva Records titled Rainbow.

Isa rin ang song sa 12-track album recorded in Italy and U.S.A. Ire-release sa Europe, South America, UK, Philippines, China at Japan ang album, kaya isinama ang Sukiyaki.

Heavy ang British accent ni Charlie, kaya nakakatuwang kinanta niya ang Kumusta Ka nang walang accent.

Sabi ng isa sa composers nitong si Baby Gil, nagulat siya nang piliin ang song na isama sa album na may six original at six cover songs kabilang ang Daydream Believer ng Monkees na nagpa-LSS sa amin.

Nagkasakit si Charlie after guesting sa concert nina Sharon at Martin Nievera at two days na-confine, pero okay na siya nang makausap namin.

Sabi nito, nag-a-adjust siya dahil nagbabago ang boses niya. Sina Michael Jackson, Michael Buble, Martin, Sarah Geronimo, Billy Crawford at Gary Valenciano ang idols niya.

* * *

Magkakaroon ng marathon airing ang Valiente tonight sa TV5.

Muling mapapanood ang pagsisimula ng remake ng teleserye, ang mga eksenang tumatak sa viewers at makikilala ang karakter na bumubuo nito.

Balikan ang relasyong nag-uugnay sa pamilya Braganza at Valiente.

Masindak sa kasamaan ni Donya Trining (Jaclyn Jose) at tunghayan ang mga kapana-panabik na eksena na sinusubaybayan ng viewers.