NAG-DENY si Alice Dixson na nagkakalabuan na sila ng husband na nasa Canada kaya siya pumirma ng bagong kontrata sa TV 5.

“Twelve years na kami at kahit minsan, hindi dumating sa buhay naming mag-asawa ang maghiwalay. May tampuhan na pangkaraniwan lang naman nangyayari sa buhay-mag-asawa, pero never na humantong sa hiwalayan,” giit ni Alice sa presscon ng Isang Dakot na Luha, ang bagong dramaserye nila ni Danita Paner sa TV5.

Mag-ina ang role nina Alice at Danita sa serye at rebeldeng anak si Danita kaya madalas silang magtalo na mag-ina.

Kuwento ni Alice, naging rebelde din daw siya noon dahil super-higpit ang kanyang parents. 19 years old daw siya nu’ng magrebelde at mabuti na lang, maaga siyang natauhan.

Hirit naman ni Danita, halos magka-age sila ni Alice nu’ng magrebelde din dahil naloka raw siya sa banda at maagang nag-boyfriend. Tulad daw ni Alice, natauhan din si Danita sa tulong at pagmamahal na ipinakita at ipinadama sa kanya ng inang si Daisy Romualdez

Kaya naman nang ialok sa kanila ang role na mag-ina sa Isang Dakot na Luha, agad nilang tinanggap.

“Nakaka-relate kami sa aming role. Salamat sa TV5, sa amin ng ninang ko (Alice) ipinagkatiwala ang project,” say ni Danita.

Tungkol naman sa nagdurugong puso ni Danita. Unti-unti na raw siya nakaka-move-on matapos ang break-up nila ni JC de Vera.

Pero inamin ni Danita na kapag nag-iisa raw siya, hindi niya maiwasan ang mapaiyak dahil naalala niya pa rin ang masasayang araw nila ni JC.

Anyway, isa lang sa 12 bagong shows ng TV 5 ang Isang Dakot na Luha na ini-launch ng Kapatid Network last Wednesday sa The Fort.

* * *

Pinagpapantasyahan na ang February issue ng FHM dahil nagpaka-daring si former Miss World Philippines Danielle Castaño, kasama si StarStruck avenger Jade Lopez.

Isang morena beauty si Danielle, na pumalit noon kay Janina San Miguel at naging representative ng bansa sa Miss World at pumasok sa Top 32.

Ngayon, nasa panganga-laga na siya ng Viva Artist Center at five years ang pinirmahan niyang kontrata kaya napapayag siyang mag-pose sa FHM.

Hilig talaga ni Danielle ang pag-aartista dahil bago siya sumabak sa Miss World, nakasama na siya sa 2010 Cinemalaya entry na Ang Paglilitis kay Andres Bonifacio kung saan luma-bas siyang wife ni Alfred Vargas. Nagkaroon din siya ng maikling role sa 2010 MMFF entry na Si Agimat at Si Enteng Kabisote.

Sa tanong kung sino ang type niyang maka-kissing at bed scene sa pelikula, walang kagatul-gatol na sa-got ni Danielle, sina Derek Ramsay at Richard Gomez.

Handa na ba siyang magpakita ng boobs?

“Naku, hindi pa ako ready d’yan. Hanggang sa cover muna sa FHM. Back na lang muna,” say ni Danielle.