NASAKYAN na ni Oyo Sotto ang kalakaran sa showbiz. Pero never niyang pinairal sa trabaho na anak siya ni Vic Sotto, huh!

“Hindi dapat ’yon! Hahaha! Pero natuto na rin ako dito sa showbiz. Kahit gaano ka kabait, talagang hindi mo naman mapapasaya lahat. Hindi naman lahat ng tao, gugustuhin ka. Hindi lahat ng tao, matutuwa sa ’yo.

“So, dapat handa ka roon. Marami pa ring tumitira sa ’yo. Wala ka namang ginagawa. Maraming nagagalit sa ’yo. Part ’yon ng show business. Tanggap ko na ’yon!” paliwanag ni Oyo sa press launch ng bagong shows ng TV5 kabilang ang show niyang Valiente.

Pero aminado si Oyo na meron siyang limitasyon pagdating sa pagiging artista.

“Sa akin, ayoko ng bed scene. Ayoko ng kissing scene. Ayoko ng topless… ayoko! Hahaha!” saad niya.

Nakatulong ba ang pagiging artista niya sa pananaw niya ngayong may asawa na siya?

“Siyempre, iba na ang pananaw mo kapag may asawa ka na. Hindi lang naman dahil sa trabaho. Siyempre, ’yung good moral as a person na nakikita ka ng mga bata. Lalo na nu’ng ginagawa namin ’yung Midnight DJ at Bangis, mga bata ang followers namin. 

“Talagang nasa utak ko, kailangan, ikaw ’yung iniidolo nila. Kung ano ang nakikita sa ’yo, ginagawa ng mga bata. So, nag-iiba ang pananaw ko. Kailangan maging mabuti kang tao. Hindi naman ako masama! Hahaha!” ayon pa sa young actor.

Mabuti ba naman siyang asawa?

“Yes!” tugon niya.

Paano naman niya nagagampanan ’yung duty niya bilang asawa’t ama?

“Plus (factor) ’yung kay Direk Joel Lamangan. Pinaka-late kong uwi is 1:30 a.m. Hindi kami napupuyat nang sobra. I make it a point na every other day, walang trabaho, talagang spend time with Tin at sa mga bata,” rason ni Oyo.

Eh, ano naman ang wish niya sa ama kung sakaling mag-asawa uli ito?

“Someone na alam ko, kapag matanda na si daddy, talagang matanda na… ’yung hirap na siyang maglakad, tipong talagang hindi na niya kaya… nandiyan pa rin sa tabi mo. ’Yung aalagaan siya. ’Yung walang pakialam sa sasabihin ng tao, pero…

“Hindi naman caregiver! Hahaha! Basta ang alam ko lang, ’yung pagmamahal niya, ’yung tunay! Aalagaan siya, through thick and thin talaga,” katwiran ng young actor.

Eh, sa mama niya na balitang may boyfriend na rin?

“Si Mama… actually kung sila na talaga... wala pa namang confirmation mula kay Mama. Hindi ko pa siya natatanong kung sila na ng vice governor. Mukha namang mabait si vice,” sagot niya.

Eh, si Daddy niya?

“Parang dati, narinig ko sa interview niya na wala na siyang balak pakasal. Ewan ko lang. Kasi nagbabago naman, eh. Sa isang oras lang, may nangyayari. Hindi natin alam. Baka sa susunod na buwan, maisipan niya! Hahaha!” sagot ni Oyo.

* * *

NAGPASILIP na ng kanyang katawan si Alden Richards sa kalalabas niyang billboard ng isang clothing apparel.

Buong pagmamalaki ngang nag-tweet ang young actor tungkol dito at nagpapatulong na maging trending ito sa Twitter.

Half-naked lang naman ang ipinakita ni Alden sa twitpic na nakita namin.

Patunay lang na wala itong arte sa pagiging sexy lalo na’t may blessing ng GMA Network.

Once maayos na maayos na ang abs at porma ng katawan, magpapasilip na rin tiyak ng bukol si Alden na hindi niya puwedeng gawin sa primetime series niyang My Beloved, huh!