ANG haba-haba talaga ng hair ni Kokak girl Sarah Lahbati, huh!

Bukod kasi sa na-link siya sa tween star na si Derrick Monasterio, heto at may bago na namang tsika, linking her not only to one but two guys -- kina JC Tiuseco at Carlo Aquino.

Ang tsika, bukod kay Derrick na open na open sa panliligaw sa magandang young actress, masugid na manliligaw din umano ngayon ni Sarah sina JC at Carlo.

Sa isang interview, natatawang nagkomento ang magandang dalaga hinggil sa isyu.

Say ni Sarah, hindi raw totoo na nanliligaw si Carlo sa kanya. Kung sakali mang nakita silang magkasama, ito ay dahil nag-aaral siyang mag-gitara at nagkataon na ang nagtuturo sa kanya ay kaibigan ni Carlo, kaya sila personal na nagkakilala.

Mariin ding idinenay ni Sarah ang panliligaw ni JC sa kanya.

Giit ni Sarah, good friends lang daw talaga sila ni JC, na nagsimula nu’ng magtambal sila sa Kokak ng GMA7.

Wala na raw kasing ilangan sa kanilang dalawa ngayon at walang malisya kung sakaling makita man na sweet sila sa isa’t isa.

And speaking of men, tiyak na may madaragdag sa listahan ng mga “lalaki” ni Sarah.

Isa kasi si Sarah sa magiging leading ladies ni Richard Gutierrez, bukod kay Carla Abellana, na malabo na raw lumipat sa ibang istasyon tulad ng mga naglabasang tsikang mag-o-ober da bakod ang aktres.

Sa ganda ni Sarah, and knowing Richard na lapitin ng magagandang babae, hindi kaya mahulog din ang loob nila sa isa’t isa?

* * *

IGINIIT ni Jennica Garcia na hindi siya buntis, tulad ng tsikang kumakalat.

Lumabas ang intrigang ito nang “namahinga” sa showbiz si Jennica nang halos isang taon, na huling napanood sa Bantatay.

Say ni Jennica, nasa bahay lang daw siya at naghihintay ng bagong project at hindi totoong buntis siya kaya nawala siya sa sirkulasyon.

Dagdag pa ni Jennica, hindi lang daw ang pagbubuntis ang intriga sa kanya, kungdi break na rin daw sila ng dyowang si Alwyn Uytingco.

Ikinagulat ito ni Jennica at sinabing sinabing hindi pa sila hiwalay ng BF at smooth-sailing pa rin ang kanilang relasyon.

Ngayon, nagbabalik  sa limelight si Jennica, dahil kasama siya sa My Beloved nina Dingdong Dantes at Marian Rivera sa GMA7, kung saan gaganap siya bilang younger sister ni Ma-rian na inaaapi ng kanilang auntie, na ginagampanan naman ni Chanda Romero.