HIWALAY na pala ang dating teen-star  na nagkaroon ng relasyon sa isang kilalang negosyante na nasa real estate at shopping mall business.  May dalawang anak ang dating young actress sa nasabing negosyante.  Na-realize marahil ng actress na kahit kumportable siya sa kanyang kinalalagyan, hindi pa rin matiwasay ang kanyang isipan at pakiramdam niya'y dahil nananatili siyang "other woman." Ganunpaman, well-provided pa rin ang actress at dalawa niyang anak ng kanyang businessman (ex) boyfriend.

Looking forward ang actress na makakahanap pa rin siya ng future partner na handa siyang pakasalan at mahalin maging ang dalawa niyang anak.  Maganda pa rin ang actress now in her 30s.

ABS-CBN, PINATATAHIMIK ANG MGA ARTISTA

IBANG klase talaga mangalaga sa kanilang mga talents  ang Star Magic ng ABS-CBN.  They do not only mold and  build them up kundi pino-protektahan pa nila ito laluna kung nai-involve sa mga kontrobersiya o intriga.  Tulad na lamang ng kaso ni Maricar Reyes na isa sa mga babaeng nasangkot sa  video scandal ni Hayden Kho.  Napangalagaan nila ito nang  husto by not allowing her to talk about the issue.  Nag-die down ang issue at binigyan nila si Maricar ng sunud-sunod na magagandang projects. 

Nanatiling tahimik lamang si Piolo Pascual sa controversial break-up nila ni KC Concepcion.  Madali rin namatay ang issue sa suntukan issue sa pagitan nina Matteo Guidicelli at Coco Martin na may kinalaman kay Maja Salvador na ginanap sa ball ng Star Magic  na ginanap sa Manila Peninsula Hotel last year.  Maging ang untimely na pagbubuntis ni Andi Eigenmann courtesy of Albie Casino na talent din ng Star Magic.

Kapag nai-involve ang Star Magic talent sa isang kontrobersiya, maganda ang ginagawang `damage control’ ng talent management ng ABS-CBN.

Alam din ng publiko na si Paulo Avelino ay isang binatang ama pero magmula nang lumipat si Paulo ng ABS-CBN mula GMA, walang pinag-uusapan tungkol sa girlfriend nitong si LJ Reyes at ng kanilang love child na si Ethan Akio.

PAULO, LJ WALA PANG PLANONG PAKASAL

HANDS-on mom si LJ Reyes pagdating sa pag-aalaga sa kanyang baby by Paulo Avelino na si Ethan Akio.  Alam ni LJ na hindi panghabang-buhay ang showbiz kaya kahit hirap siya, pinipilit niyang makapag-tapos sa kanyang pag-aaral sa De la Salle University kung saan siya kumukuha ng Economics.  Kung hindi lamang sa kanyang pagbubuntis at panganganak kay Aki, nakapagtapos na sana si LJ.

Sa kabila na  magkahiwalay na sila ng home studio – si LJ sa GMA at si Paulo sa ABS-CBN, walang bad issue sa kanilang dalawa. Kaya lang, wala pa ring linaw kung kailan plano nina Paulo at LJ na magpakasal laluna ngayon na maganda ang takbo ng career ni Paulo sa bakuran ng Kapamilya Network.  Isa rin si Paulo sa mga celebrity endorsers ng Bench.