Minura sa Twitter ng isang CC (Controversial Celebrity) ang sikat na SC (Singer-Comedian) dahil feeling nito, pinaglaruan siya at ang nangyari sa buhay niya sa ipinalabas na video ni SC sa show nito.

In bold letters ang F_ck U ni CC, pero nang muli naming bisitahin ang Twitter account nito, deleted na ang pagmumura.

Bago na-delete, nag-react ang isa pang sikat na singer sa pagmumura ni CC.

Anong klaseng tao raw ba ang nagmumura sa Twitter? Coward or brave?

May continuation ang isyung ito ’pag nag-react si SC.

* * *

Sobrang successful ang Mr. & Mrs. A concert nina Ogie Alcasid at Regine Velasquez at balitang may repeat ito sa birthday ng huli sa April.

Sabi ni Songbird, na-miss niya ang mag-perform, obvious na na-miss din siya ng kanyang fans na sumugod sa Araneta Coliseum at pinalakpakan ang bawat number niya mula sa opening song hanggang sa encore.

Walang kahirap-hirap abutin ang high notes!

Swak din ang guests nina Ogie at Regine mula kay Dingdong Dantes, Erik Santos, Angeline Quinto, Kyla at Vice Ganda, si David Archuleta at grupo ng Boy Pick-Up led by Michael V.

Pinaglaruan ni Vice ang malaking boobs ni Regine at naloka naman ito nang pahawakan ni Vice ang harapan niya. Hahaha!

Represented ang three networks sa guests dahil sina Vice at Angeline ay ABS-CBN talents, si David ay TV5 talent at sina Dingdong at Kyla ay GMA-7 talents.        

Nanood si Sarah Geronimo, pero hindi si Gerald Anderson ang kasama. Nakita rin namin sina Eddie Gutierrez at Annabelle Rama, Annette Gozon-Abrogar and her husband at Wilma Galvante.

Curious kami kung nagtinginan man lang sina Annabelle at Wilma!

Hindi nagpahuli sa husay si Ogie at ang maganda sa concert, maraming new songs ang kasama sa  repertoire kaya naka-relate ang younger audience.         Mahusay ang direction ni Randy Santiago at ang stage direction ni Louie Ignacio, maganda ang kabuuan ng show.

* * *  

Launching ng three new shows ng TV5 kahapon na ginawa sa NBC Tent at isa sa bagong show ay ang game show ni Edu Manzano.

Dahil game show, nagpatikim din ang network ng papremyo sa press.

Game N Go ang title ng noontime game show ni Edu na magsisimula sa March 10 at Monday to Saturday ang airing.

Kasama ni Edu sina Gelli de Belen at Shalani Soledad-Romulo na inalis na sa Wil Time Bigtime.        
Dadagdag din sa saya sina Arnell Ignacio, Wendy Valdez, Pretty Triza at Tuesday Vargas. Mapapanood na rin ang sitcom na Kapitan Awesome, mapapanood every Sunday afternoon, kapalit ng Bagets.

Bida rito si Martin Escudero at kasama sina Empoy at Andrew E sa direction ni Bb. Joyce Bernal.

* * *                                                                  

Sa Valiente, makikita ang pagbabago sa Hacienda Braganza sa pagkamatay ni Don Armando (Mark Gil) at sa kasakiman ni Doña Trining (Jaclyn Jose).

Pahihirapan nito ang mga manggagawa kahit nagluluksa pa.

Dahil sa pagkamatay ng ama ni Theo (Oyo Sotto), babatiin siya ni Gardo (JC de Vera), pero muling magbabangayan ang pamilya nila sa kapakanan ng hacienda.