BINIBIGYAN na ng mas malaking share sa kita ng actor ang kanyang non-showbiz wife upang matapos na ang gulong nangyayari sa kanila.

Balita namin, 70-30 ang offer ng actor sa asawa — 70 percent sa asawa at 30 percent lang sa actor.

Pero ayaw pumayag ng asawa. Dahilan niya, mahal niya ang asawa kaya ayaw niyang makipaghiwalay ito sa kanya, huh!

Sad to say, sarado na ang utak ng actor na makisama pa sa asawa.

Pinadadalhan na lang ng actor ng suporta ang asawa bilang panggastos at pantustos sa pag-aaral ng mga anak.

* * *

BIDANG-BIDA si Paolo Bediones sa mga bagong show ng TV5 na nagkaroon ng press launch kahapon sa The Tent sa The Fort.

Imagine, ang host ang magbubukas ng programa ng ala-singko ng umaga sa Good Morning Club at siya rin ang magtatapos sa late newcast na Pilipinas News ng 11 p.m. simula sa February 20.

Bukod sa dalawang shows na ito ni Paolo, meron pa siyang hosting ng Extreme Makeover Home Edition Philippines simula sa March 26, huh! Kasama niya sa reality show na ito sina Tessa Prieto-Valdez, Divine Lee, Tristan Jovellana, Marilen Montenegro at Joby Belmonte.

Teka, meron pang Uzi si Paolo, ’di ba?

Hindi nga lang ipinahayag sa launch kung si Paolo rin ang magiging host ng darating na Amazing Race Philippines.

Aba, huwag magtaka kung kainggitan ng ibang hosts sa TV5 si Paolo.

Buti na lang, dumami ang shows ni Paolo sa network na nilipatan niya mula sa GMA unlike nu’ng unang taon ng pamamahala ni Manny V. Pangilinan sa network na iilan lang ang naging shows ni Paolo, huh!

* * *

HINDI lang sa news, information and public service ang inihahandang pasabog ng TV5 this year.

Palalakasin na rin nito ang afternoon slot sa pamamagitan ng paglalagay ng dramas gaya ng Felina ni Arci Muñoz at Isang Dakot na Luha nina Alice Dixson at Danita Paner.

Sa primetime, magba-back-to-back na ang Valiente nina Oyo Sotto at JC de Vera once magsimula na next Monday ang Nandito Ako ni David Archuleta.

Sa Sundays naman, bukod sa ongoing na The Biggest Show in the World-Asia, magpi-premiere na rin ang game show na Toink! Sino ang Tama? nina Chris Tui at Alex Gonzaga at ang Martin Escudero-starrer na Kapitan Awesome.

Pero bukol muna ni Empoy ang masisilayan ng manonood, huh! ’Pag nagkaroon na ng twist sa story, ang bukol naman ni Martin ang ipasisilip niya sa kanyang costume.

Of course, ang kaabang-abang pang show na parating sa TV5 ay ang show ni Sharon Cuneta na daily mapapanood.

Bugso talaga ang pasabog, pasiklab at paandar ng TV5 upang patunayang isa na rin silang major network.

* * *

NAKAKALULA namang talaga ang guests nina Jose Manalo at Wally Bayola sa show nila sa Araneta Coliseum sa March 2 na The Jose & Wally Show Party for Every Juan, huh!

Present sina Vic Sotto at Joey de Leon sa concert dahil abala si Sen. Tito Sotto sa impeachment proceedings sa Senado.

Join din sa kasiyahan sina Dennis Trillo, Aljur Abrenica at Gary Valenciano.

Sa girls naman, nag-yes na sina Ai-Ai de las Alas, Aiza Seguerra, Ciara Sotto, Solenn Heussaff at Regine Velasquez-Alcasid!

So, buy na ng tickets sa SM Customer Services Department o tumawag sa 911-5555.