Hindi naman pala takot sa press si Liz Uy. Nakatsikahan namin siya sa kanyang contract signing sa Viva Artists Agency  last Friday at marunong naman pala siyang sumagot.

In fact, may pagkabakla pa nga siya kapag nakatsikahan mo.

In the past kasi ay naging mailap si Liz sa press lalo na kapag may issue sa kanya. Kontrobersyal din kasi ang nasabing celebrity stylist dahil sa pagkakaugnay niya kina John Lloyd Cruz at President Noynoy Aquino.

During those times, talagang hindi mo makukunan ng statement si Liz lalo na nga nang kasagsagan ng breakup nila ni Lloydie. Aminado naman siyang talagang na-stress siya noon sa  press na talagang nangungulit sa kanya for interview.

“’Yun po ’yung time na talagang pinakana-stress ako. Kaya po ako umalis nu’n, nag-Europe ako for one month with all my friends,” she said.

Kaya siya umalis ay dahil na-stress siya or dahil hurting siya sa breakup?

“Halu-halo na po, hindi ko na ma-explain, bata pa kasi ako nu’n,” aniya.

Five years ago pa raw ’yun at ngayon ay nag-mature na raw siguro siya dahil na-realize niya na hindi naman pala dapat maging mailap sa press.

“So, now, instead of being mailap or as they say, elusive, wala naman kasing... siguro na-realize ko rin, nag-mature na rin ako na wala naman silang (the press) ginagawang masama, they just want to hear you and it’s really up to you what you want to say. Puwede ko naman silang pakiusapan, huwag na akong magsungit, nakakatanda, oh, my gosh!” nakangiti niyang sabi.

Pumirma si Liz ng three-year-contract sa VAA, pero hindi raw para maging full-fledged artist kundi para maging endorser. Wala pa raw sa plano niya ang pag-aartista pero kasama rin sa pinirmahan niya ang film and tv projects just in case magbago ang isip niya.

Sa ngayon daw kasi ay pagiging endorser lang muna ang gusto niya dahil wala naman daw siyang alam sa pag-arte at wala naman siyang balak i-give-up ang pagiging stylist dahil ito talaga ang love niyang gawin.

Ayon kay Veronique del Rosario ng VAA, ayaw talagang mag-artista ni Liz.

“More on representation, endorsement and events ang iha-handle namin sa kanya,” say ni Veronique.

* * *

Bukas pa, Feb. 15, ang Valentine concert ni Gary Valenciano kaya ngayong Araw ng mga Puso ay maise-celebrate niya ito with wife Angeli Pangilinan.

Kausap namin si Gary kahapon at hindi pa niya alam kung saan niya dadalhin ang asawa. Say nga niya, baka may gusto kaming i-suggest na place.

Wala rin daw siyang panonooring Valentine concert today para maiwasan ang pagtatampo among his friends.

“Too many concerts to choose tomorrow at maaaring may magtampo kundi ako makapanood. I don’t really watch Valentine concerts only because I don’t want anybody to feel bad, eh. So, I’d rather have a concert or don’t watch a concert at all. So, I’ll just spend it with my family and Angeli lang,” say niya.

Kahit matagal na silang mag-asawa ni Angeli, they make it a point na ma-celebrate pa rin   ang V-Day.

“In a very simple way. We don’t want to get lost in the celebration.”

Samantala, nahingan ng reaksyon si Gary tungkol sa opinyon ni Lea Salonga na tila hindi siya pabor sa mga sintunadong singer who claim themselves na singer and siyempre, nadamay ang pangalan ni Anne Curtis.

Although maganda ang paliwanag ni Lea and even congratulated Anne for the success of the concert, na-misinterpret pa rin ito na tila nagpapasaring sa young actress.

Ayon kay Gary, kung siya ang tatanungin, maging si Anne ay nagtataka kung bakit gustung-gusto ng mga tao ang sintunado niyang boses.

“Sabi nga niya, ‘tito, it’s only now and it probably won’t happen again.’ Now, with regard to the statement of Lea, if people have apologized to her, I think that’s what also Lea meant.”

Naniniwala si Gary na kung magseseryoso si Anne sa pagkanta, puwede raw mawala ang sintunadong impresyon sa aktres.

“Kasi, ano, eh, buo ’yung pagka-novelty and I speak in behalf of Anne. Si Anne, kung ano ang nakikita mo on screen, ’yun din ’yung tao offscreen. Kung ano ’yung kengkoy niya, ’yung ganda niya, ’yung sexiness niya, it’s the same on and off screen.”

Anyway, Gary’s concert tomorrow is titled A Date with Destiny at kasama niya sina Yeng Constantino, Yael Yuzon, Gloc-9, Duncan Ramos, Quest, Imago, Sandwich, Paraluman, his sons Gab and Paolo at marami pang iba.

Gaganapin ito sa UP Sunken Garden, 8 p.m.