HINDI natapos ni Pauleen Luna ang segment ng Eat Bulaga na Juan for All, All for Juan sa Davao City dahil bigla siyang nahilo habang nasa location. 

Ibinalik sa hotel ang TV host-actress at kapag hindi raw umayos ang kalagayan, baka dalhin siya sa ospital.

Kasama si Pauleen nina Allan K at Paolo Ballesteros sa segment bilang kapalit nina Jose at Wally.

Sa Broadway studio nag-report si Jose na binigyan ng konting selebrasyon ng programa dahil birthday din niya.

Ilang days nang absent sa EB si Jose dahil na-confine siya sa ospital sanhi ng madalas na pananakit ng likod.

Eh, kung raining sa Manila, super init naman daw sa Davao, huh! Wala rin daw masyadong tulog si Pauleen kaya naman hindi niya kinaya ang sobrang init at pagod sa biyahe.

Naku, ayaw naming mag-entertain ng ibang dahilan ng pagkahilo ni Pauleen, huh!

* * *

MATIYAGA raw si Kris Lawrence kay Katrina Halili kaya naman umabot na sa mahigit three years ang pagkakaunawaan nila.

Sa totoo lang, bilang pagmamahal ng singer sa aktres, nagpa-tattoo siya sa braso ng name at mukha niya, huh!

“Ang ganda ko nga raw, eh! Hahaha! Gusto ko ngang ipa-tattoo ang pangalan ko rito (sa noo) dahil may ibang kahawig, eh. Katrina Halili! Sa noo! Gusto ko i-tattoo niya! Hahaha!” bulalas ni Katrina nang makausap namin sa presscon ng ongoing series niya sa GMA na My Beloved.

Mahal talaga siya ni Kris, huh!

“We’re friends! We’re okey! We’re good! Actually, we’re doing fine. We’re doing fine!” paulit-ulit niya.

Hindi na siya naghahanap ng iba?

“Bakit kailangan pang maghanap ng iba? Life is too short,” rason ni Kat.

Happy siya kay Kris?

“Masaya po ako sa buhay ko,” sagot niya.

Pinasasaya siya ni Kris?

“Okey naman po,” maiksing tugon ni Katrina kaya tinapos na namin ang interbyu dahil sa puro okey niyang sagot, ’no?