IBANG-iba na talaga ang dating kay Katrina Halili kapag si Hayden Kho na ang pinag-uusapan.

Kung dati, nag-aatubili pa siyang magsalita o magkomento tungkol sa doktor na tinanggalan ng lisensiya, ngayon, nakangiti na si Katrina at palaban pang sasagutin ang tanong na may kaugnayan kay Hayden.

Maingay na naman kasi ngayon ang kampo ni Hayden, lalo sa usapang pagbabalik-showbiz nito.

O ‘di nga ba, pagsabog ng balitang balik-showbiz si Hayden, sabay naman sa pagkalat ng balitang break na naman sila ng dyowa niyang si Dra. Vicki Belo. At ang sinasabing dahilan ng hiwalayan umano nila, ang “pagkaloko” ni Hayden kay Nancy Castiglione.

Ano kaya ang komento ni Katrina sa balik-showbiz ni Hayden? 

Mataray na sagot ng sexy actress, wala siyang keber at good luck na lang daw sa dating doktor.    
Tipid man sa pagsagot,  nakikita sa aura ni Katrina na nakapag-move-on na talaga siya sa trauma ng sex video scandal nila ni Hayden, na nauwi pa sa demandahan.

And speaking of Katrina, ngarag na naman kasi ito sa pagte-taping ng My Beloved nina Dingdong Dantes at Marian Rivera.

*  *  *

ISA pang tsika na naglalagay sa alanganin  ng matagumpay na tambalan ng YouTube sensation na Moymoy Palaboy ay ang isyung mabubuwag na umano ang kanilang tandem.        

Madalas kasing napagkikita sa iba’t ibang karaketan ang dalawa na hindi magkasama kaya hindi maiwasan na matsikang may hidwaan sila.

Pero mariin agad itong itinanggi ng isa sa Moymoy Palaboy at idagdag pang hindi sila nag-aaway ng kapartner.

Kung sakali man daw na may okasyon na nakikitang hindi sila magkasamang rumaraket, ito ay dahil open silang tumanggap ng trabaho na magkahiwalay.

Say pa rin nila, bago pa man sila  gumawa ng mga “kalokohan” sa video na pumatok sa YouTube, may kanya-kanya na talaga silang trabaho.

Pero mula nang makilala ang Moymoy Palaboy at regular na lumalabas sa  TV show  ng GMA7 na Bubble Gang, nahinto na ang mga bagay na gusto nilang gawin na magkahiwalay.