Very vocal si Aljur Abrenica na gusto niyang maka-date sa Araw ng mga Puso si Sam Pinto.

So, totoo na wala na talaga sina Aljur at Kylie Padilla

Anyway, nang makarating naman kay Sam na gusto siyang maka-Valentine date ni Aljur, nag-request ang actress na kung maaari sa isang beach sila mag-date.

Gusto sana ni Aljur na dalhin sa Paris ang makaka-Valentine date, pero dahil gusto ni Sam sa beach, walang magiging problema dahil sa Batangas nakatira si Aljur at sangkatutak ang magagandang beach sa kanilang lugar.   

Tip lang namin kay Aljur -- ayaw ni Sam ng mapalabok na mga salita. Kapag may gusto kang sabihin sa sexy actress, sabihin nang diretso dahil ‘yun ang gusto nito.

Nasabi kasi sa amin ni Sam nu’ng makatsikahan namin sa presscon ng Legacy, ang gusto niya sa lalaki ‘yung walang paliguy-ligoy.

*  *  *

Tuwang-tuwa na naman sa ngayon ang boyfriend ni Dra. Vicki Belo na si Hayden Kho dahil napag-uusapan na naman siya.

Matakaw daw talaga ito sa publicity. Kaya nang pa-tulan ng ilang  entertainment  reporters ang break-up daw nila ni Vicky, siguradong hanggang tenga na naman  ang ngiti ni Hayden.

Samantala, may pana-wagan ang mga nakakausap namin kay Dra. Belo na sana daw, magising na ito sa katotohanan na hindi nararapat sa isang tulad niya ang naturang lalaki na may kaso pa ring dinidinig sa korte.

*  *  *

Hindi nag-aalala si Robin Padilla sa anak na si Kylie pagdating sa lovelife ng da-laga.

Matalino at marunong daw itong ipagtanggol ang sarili sa mga magkakama-ling gumawa ng hindi maganda. Tinuruan daw kasi ni Binoe si Kylie na humawak ng baril at martial arts.

Bilang ama, lagi lang daw siyang nandiyan para big-yan ng suporta ang kanyang mga anak at paalalahanan ang mga ito na maraming intriga sa showbiz.

Muli, ipinagdiinan ni Robin na hindi niya pina-kikialam ang pag-ibig ng mga anak, as long, na dadalaw daw ang suitors ng mga ito sa kanilang tahanan.  Ayaw daw ni Binoe na sa kalye o kung saan-saan lang lugar popormahan ang kanyang mga dalaga.

*  *  *

Handa na palang mag-asawa ni Nadine Samonte.     Ito ang ipinagtapat niya sa amin nu’ng makausap namin siya sa taping ng Valiente sa Lipa, Batangas kamakailan.

“Yes, handa na akong mag-asawa. Pero wala pa namang  marriage proposal.  Kung darating, hindi na  ako magpapaliguy-ligoy. Gusto ko na kasing magkaroon ng sariling pamilya,” say ni Nadine.

Alam din daw ni Nadine na tutol pa ang kanyang ma-gulang na mag-asawa siya.

Pero alam din niya na magiging maligaya ang kanyang parents kapag binig-yan na niya ng apo ang mga ito.