HINDI ikinaila ng sexy actress at isa sa Survivor Philippines castway na si Ellen Adarna na ang biglang paglobo ng kanyang boobs ay isang malaking “pasalamat kay dok.”

As in, nagpa-breast enhancement si Ellen, huh!

Kasi nga naman, marami ang nakapansin na nu’ng cover girl si Ellen sa isang men’s magazine, biglang lumaki ang kanyang boobs, kumpara sa nauna na niyang sexy pictorials.

Ang tsika pa, kaya nagpalaki ng dibdib si Ellen ay pursigido raw nitong kabugin at maagaw kay Sam Pinto ang titulong Sexiest Woman para sa taong ito, na nakopo ni Sam last year.

May mga nagsasabi  na ngayon pa lang, malaki ang chance ni Ellen na mapanalunan ang titulo.

Bukod-tangi na si Katrina Halili palang ang magkasunod na taon na itinanghal na Sexiest Woman ng FHM magazine.

Pero sa interview kay Ellen, walang kinalaman si Sam kung bakit siya nagpalaki ng boobs.

Matagal na raw niyang plano ito bago pa man niya pasukin ang showbiz.

Giit ni Ellen, para sa kanyang sarili kung bakit siya nagpadagdag ng boobs at hindi dahil sa kung ano pa mang dahilan.

Ipinagtataka rin ni Ellen kung bakit pilit silang pinagsasabong ni Sam.

Magkaibigan daw sila ni Sam at magkasama sa Bubble Gang ng GMA7.

* * *

TALAGANG all-out ang Movie and Television Review and Classification Board o MTRCB, lalo na ang kanilang chairwoman na si Grace Poe-Llamanzares, para gabayan ang mga kabataan sa panonood ng TV shows.

May bago kasing ipina-labas na classification ang MTRCB na tinawag nilang Strong Parental Guidance o SPG.

Sa makabagong panahon kasi ngayon, may mga pa-labas na pambata ang tema pero ang nilalaman ay hindi naayon sa kaisipan ng mga kabataan.

Example ang ilang animation na pang-adult ang tema.  Patunay din na pursigido at seryoso ang MTRCB sa pagpapatupad ng kanilang bagong gabay, kinuha nila sina Zoren Legaspi at Carmina Villarroel para maging spokesperson nito. Napapanood na ang infomercial ng MTRCB kung saan, ipinakikita ng mag-asawa ang tamang pag-gabay sa mga kabataan sa panonood ng TV shows.