ISA talaga sa walang kupas pagdating sa husay sa action at pag-arte ay si Robin Padilla.

Sabi nga, tulad si Binoe ng isang alak na habang tumatagal, lalong sumasarap.

Kasi naman hanggang ngayon, hindi siya pinagsasawaan ng kanyang fans.

Ibang klase kasing makitungo si Binoe, especially sa kanyang fans na tinatrato niyang mga kaibigan.

Daig pa ni Binoe ang mga sikat na politiko dahil kahit hindi public servant, bukas-palad itong nagbibigay ng tulong sa mga mahihirap.

Nakakaloka nga dahil halos lahat na yata ng kinikita ni Binoe sa pag-aartista, naipapamahagi niya sa mahihirap nating kababayan.

Kaya naman lagi siyang pinagpapala ng Diyos at patuloy na binibigyan ng maraming proyekto.

Tulad ng TV show niyang Toda Max, na patuloy na mamamayagpag sa ere, na labis na ikinatutuwa ni Binoe at mga kasama niya sa show tulad nina Pokwang at Vhong Navarro.

Biro nga ni Binoe, naiinggit siya kay Vhong Navarro sa pagiging binata nito dahil malaya pa itong nakakaporma at nakapagde-date ng magagandang babae na gusto niya.

Hindi na nga naman malaya si Binoe dahil nakatali na siya sa misis niyang si Mariel Rodriguez.

Pero bawi ni Binoe, mapalad siya sa pagkakaroon ng isang asawang tulad ni Mariel, na bukod sa maganda at seksi na, mapagmahal at ubod pa ng bait.

* * *

ISA si Mr. Fu sa masasabing bagong pambatong TV host ng balitang-showbiz ng TV5.

Habang nagtatagal kasi, nagiging cool at mahusay nang mag-host si Mr. Fu, huh!

Sa Paparazzi nga last Saturday, kitang-kita ang galing mag-host ni Mr. Fu, with matching gigil pa sa pagbibitaw ng mga tsika.

Keep it up Mr. Fu, dahil nas likod mo lang kami para suportahan ka!

* * *

UNANG SALVO SA SABADO NG PAPARAZZI, HATAW AGAD SA RATING

NAKAKATUWANG isi-pin na kahit nagbago na ng araw ang showbiz TV talk show ng TV5 na Paparazzi, talagang sinubaybayan pa rin ito ng televiewers.

Nito ngang Sabado, February 11, sa unang salvo sa Sabado ang Paparazzi, sa dati pa rin nitong oras na 1:30 pm, humataw agad ito sa rating.

Patunay lang na “made” na ang Paparazzi bilang most watched showbiz talkshow sa TV.

May tsika pa na nu’ng ilipat ang Paparazzi sa Saturday slot, tila umiwas ang kasabayan nitong showbiz talk show sa ibang station na tapatan ang Paparazzi.

Katuwiran nila, hindi sila mananalo sa main host ng Paparazzi na si Cristy Fermin, na kilalang reyna pagdating sa mga balitang showbiz.

At sa pagpapalit ng araw ng Paparazzi, nagbagong-bihis din ang set ng programa na ginawa nang live sa Broadway Centrum.

Wala ring na-tsuging hosts, kaya all present sina Cristy Fermin, Ruffa Gutierrez, Zoren Legaspi, Dolly Ann Carvajal at Mr. Fu.