SINIKAP pa umanong i-revive ang 48-anyos na Pop Music Queen na si Whitney Houston nang matagpuang walang malay sa kanyang kuwarto sa 4th floor ng Beverly Hilton Hotel noong Sabado ng hapon, Feb. 11, kung saan dadalo sana siya sa pre-gala para sa taunang Grammy Awards, na hosted ng mentor ay kaibigan ni Whitney na si Clive Davis.

“At this time, there’s no obvious evidence of foul play or cause of death. Someone in her entourage found her unresponsive in her room.

“I can confirm that Whitney Houston was pronounced dead at 3:55 p.m. this afternoon at the Beverly Hilton Hotel. We received a call at 3:43 p.m. from hotel security and Beverly Hills Fire and police responded minutes later,” pahayag ni Beverly Hills Police Lieutenant Mark Rosen.

Hindi rin nagdetalye ang Beverly Hills police kung may nakuha silang droga sa silid ng sikat na singer o kung posibleng may kinalaman sa drugs ang sanhi ng pagkamatay ng sikat na diva.

“It’s unclear who notified hotel staff, because she has quite an entourage here at the hotel. An attempt was made to resuscitate, to no avail. Her death is under investigation,” dagdag na pahayag pa ng pulisya.

Ayon sa ulat, nakausap pa umano ni Whitney ang pinsan niyang Dionne Warwick at inang si Cissy Houston bago umattend sa party ni Clive.

Naulila ni Whitney ang anak niyang si Bobbi Kristina, anak niya sa ex-husband niyang si Bobby Brown.

Ilan sa achievements ni Whitney bilang artist ay ang nakapagbenta ng 200 milyong mga album, kanta at video, nanalo ng anim na Grammy Awards at 22 American Music Awards bilang solo artist, at tanging singer na nakapagtala ng pitong sunud-sunod na no. 1 sa Billboard hits  -- Saving All My Love for You, How Will I Know, Greatest Love of All, I Wanna Dance with Somebody (Who Loves Me), Didn’t We Almost Have It All, So Emotional at Where Do Broken Hearts Go.

Ilan sa pelikulang pinagbidahan din ni Whitney ay ang 1992 hit movie Bodyguard opposite Kevin Costner, Waiting to Exhale, The Preacher’s Wife at Sparkle.

Napili naman sina Jennifer Hudson at Chaka Khan para mag-perform sa tribute kay Whitney sa 2012 Grammy Awards.

Malaking impluwensiya rin ang husay sa pagkanta ni  Whitney sa ilang sikat na international singers na sina Celine Dion, Christina Aguilera, Mariah Carey, maging sa Pinay singing sensation na si Charice at kay Songbird Regine Velasquez.

Matatandaang inamin ni Whitney kay Oprah Winfrey noong 2009, araw-araw umano siyang gumagamit ng cocaine at marijuana, lalo noong ginagawa pa niya ang pelikulang The Preacher’s Wife.

Ilan sa sikat na singers na nalulong sa droga kung saan nanganib ang kanilang buhay ay sina Elton John, Rolling Stones guitarist Keith Richards at ang guitar god na si Eric Clapton.              

JAP