Marami umanong star basketball players — past and present — na may bading benefactors/lovers? Gaano katotoo ito?

Alamin ang iba pang aliwaswas sa likod ng barangay basketball (at big-time professional basketball) sa pagbubukas ng Bola mula sa Miyerkules, Pebrero 15, sa piling sinehan sa Kamaynilaan. 

Mahuhulaan n’yo kaya ang mga sikat na basketball player na nali-link sa equally sikat at mapeperang gay benefactors, sponsors at patrons?

Clue: Of course, mayayamang datungera ang gays na ito. Sabi nga ng mga bitter na bading: “Wala namang alam sa rules ng laro, pero matinding umeksena sa mala-game venues ang mga ito, pero kung makatili, eh, parang intensity 10 sa Reichter scale!”

Sila ang big-time patrons/sponsors na nagpapanggap na sports advocates para sa kabataan.          

Hangad nila’y ibaling ang atensyon ng kabataan mula sa harmful vices tulad ng drugs, alak, sugal, atbp.

Sinu-sino sa mga kabataan ang nasilaw ng kasikatan at kayamanang kaakibat ng big-time basketball?

Ang Bola ay isang paghahantad ng imoralidad at behind-the-basketball scenes sa barangay level: Korapsyon, manipulasyon, panlilinlang at paghihiganti — mga mababaw pero tunay na isyung nangangailangan ng atensyon at ’di lang pamba-blind item. 

Bida sa Bola ang baguhang si Kenneth Salva bilang si Lester, star player ng barangay team; Arnell Ignacio (Pandy), local couturier-team manager na na-obsess kay Lester; Sofia Valdez (Angel), childhood sweetheart ni Lester; Jacob Miller, pahadang player; Dustin Jose, ex-star player/coach; Simon Ibarra, amiga ni Pandy; Suzette Ranillo, ina ni Lester; at Geeca Topacio, pamangkin ni Pandy.

Ang Mowelfund film graduate at dating Mel & Joey segment producer/director na si Lem Lorca ang nagdirek ng Bola mula sa screenplay ng multi-awarded writer na si Jerry B. Gracio.

Producer ang R and B Entertainment at Amazing Production.     GR