MATIGAS at malakas din talaga ang loob ni Maxene Magalona sa pagkanta. Matapos lait-laitin sa Twitter two Sundays ago dahil sa sintunadong pagkanta sa Party Pilipinas, pumalahaw uli siya sa GMA musical variety show kahapon, huh!

Buti na lang, hindi ganoon kabirit ang pagkanta niya, so, this time, baka mapagpasensiyahan na siya ng mga nakarinig sa pagkanta kasama ang kapatid na si Arkin.

Sabi naman ni Maxene nang mag-guest siya sa Startalk upang depensahan ang pagkanta niya, aminado naman siyang hindi singer, so, sa halip na magalit sa tumira sa kanya, pinagtawanan na lang niya ’yon.

Sa isang banda, nagpaliwanag naman si Lea Salonga sa Twitter sa tumitira sa kanya dahil sa isang pahayag niya.

Heto ang tweets ni Lea: “A full transcript of an interview answer I gave today has just been posted. I didn’t disss or attack @annecurstissmith directly…

“But I have strong opinions about off-key singers. Anne doesn’t identify herself as a singer. I respect that and said so today.

“So, before anyone decides to launch an attack because of what I said, which I stand by, find out exactly what I said in full, and in context.

“There are people calling themselves singers without the talent to justify it, taking away business from those that rightly deserve it.

“That is what burns me, and is insulting to all singer-craftsmen, gifted artists that work so hard and need to be heard and patronized.”

So, ’yung mga nagsi-singer-singer-an diyan, alam ninyo naaaaaa!

* * *

FOLLOWER pala ni Sharon Cuneta ang Malaysian ambassador at asawa nitong si Shima Ortega na na-meet lang niya sa Twitter.

Laking gulat nga ng megastar nang malamang lumipad pa-Manila ito nu’ng Sabado ng umaga upang panoorin ang Once in a Lifetime concert nila ni Martin Nievera sa Araneta Coliseum, huh!

Hindi kami nakapanood ng concert ni Shawie, pero base sa tweets, very successful ito at hangang-hanga ang lahat sa musical tandem nila ni Martin.

In fact, “Vocal Soulmate” nga ang tawag ni Sha kay Martin na nagpakitang-gilas sa pagpapatawa sa Dr. Floor at Fax You jokes niya.

Eh, si Shawie, kahit hirap mag-falsetto, aba, malinis na malinis ang hagod sa pagkanta niya ng kanyang hit songs at Willy Cruz medley.

Kahit pagod, nagawa pang pasalamatan ni Mega ang lahat ng kanyang followers sa Twitter at ang mga taong nanood at lahat ng naging bahagi ng concert nila ni Martin, mula sa nagdamit at nag-ayos sa kanya.

So, after the concert, TV show na Sharon naman ang tututukang mabuti ni Sharon.

Congrats, Shawie at Martin!

* * *

UMPISA na naman ng iyakan at bakbakan ngayong araw na ito dahil dalawang shows ang mapapanood ngayong hapon at gabi sa GMA Network at isa naman sa TV5.

Misteryo ng pagmamahalan ang tampok sa My Beloved nina Dingdong Dantes ay Marian Rivera. 

Bonus dito ang pagdidispley ng magandang katawan, binti at legs ni Dingdong kasama ang ilang “sundo” na sina Jon Hall, Fabio Ide at Jay Gonzaga.

Labanan din ito ng mga bukol dahil sa suot nilang costume, sa totoo lang.

Tungkol naman sa kasakiman, pagmamahal at pakikipaglaban ng isang anak ng konsepto ng The Good Daughter ni Kylie Padilla na mapapanood after ng Eat Bulaga.

Sa TV5 naman ang remake ng classic production ng Tape, Inc. na Valiente ang pasabog ng network after ng Wil Time Big Time. 

Pagalingan sa pag-arte, pabulosong lokasyon at ginastusang produksyon ang hatid ng Archangel Productions.

Pinagbibidahan ang bagong series nina Oyo Sotto at JC de Vera na nagtatampok din sa magkaaway na dating lovers, Jaclyn Jose at Mark Gil, at ang dati ring mag-asawa na sina Gina Alajar (pero guest lang) at ang nagbabalik na si Michael de Mesa mula sa direksyon ni Joel Lamangan.