KAPAG ang Korean TV and radio personality na si Grace Lee ang makakatuluyan ni Pangulong Noynoy Aquino, tiyak na madalas siyang  ipagluluto nito ng mga Korean dishes. Isa rin kasing mahusay na cook si Grace. Katunayan, balak ni Grace na magtayo ng isang restaurant tulad ng kanyang ina.

Although nagsisimula pa lamang ang kanilang espesyal na pagkakaibigan ni Pangulong Noynoy, naiintriga na ito at marami na ring ibinabatong akusasyon sa Korean DJ and newscaster na sana’y hindi makaapekto sa anuman meron sila ngayon.

Kung si P-Noy ay nag-52 last February 8, si Grace naman ay turning 30 on March 29.

EXES NI P-NOY, SA PULITIKO RIN NAPUNTA

HINDI man nag-end-up kay Pangulong Noynoy Aquino si Councilor Shalani Soledad, isang kongresista na nagmula sa kilalang angkan naman ang kanyang nakatuluyan, si Rep. Roman Romulo.

Kung titingnan, pawang mga pulitiko rin ang mga napangasawa ng mga babaeng naging kasintahan noon ng kuya ni Kris Aquino – sina Korina Sanchez, Bernadette Sembrano at Shalani Soledad.  Si Korina ay maybahay ngayon ng dating senador at ngayon isang Cabinet secretary na si Mar Roxas.  Si Mayor Orange Aguinaldo ng Kawit, Cavite ang mister ni Bernadette at kongresista naman ang napangasawa ni Shalani Soledad.  Liban kay Shalani na isang konsehal sa Valenzuela, sina Korina at Bernadette ay parehong TV and radio journalist.

GOLDEN DIVAS, AKTIBO PA RIN

NAKATUTUWANG pagmasdan ang `Golden Divas’ na sina Pilita Corrales, Carmen Soriano at Carmen Pateña nang sila’y mag-guest sa ika-16th anniversary ng “Walang Tulugan with the Master Showman” ni German Moreno  the other Saturday.  Sa kabila ng paglipas ng panahon, napaka-galing pa rin ng tatlo bilang singers at performers.  At some point in their careers ay naging magkaka-rival sila as the most-sought-after entertainers hindi lamang sa Pilipinas kundi maging sa ibang bansa. Sumusunod naman sa Golden Divas ang Jukebox Queens na sina Imelda Papin, Eva Eugenio at Claire de la Fuente na hanggang ngayon ay aktibo pa rin sa kanilang respective singing careers.  May tig-iisang anak na babae sina Imelda at Eva at dalawang anak na lalaki naman kay Claire.

MARIAN, WILLING MAKASAMA ANG EX-BF

KAPUSO artist na rin ang ex-boyfriend ni Marian Rivera na si Ervic Vijandre na umaasang makakatrabaho niya balang araw ang dating nobya.  Ang wish na ito ni Ervic ay nakarating na rin sa kaalaman ni Marian na hindi naman daw magiging problema pero depende pa rin umano ito sa project na kanilang gagawin.  Matagal nang hiwalay sina Marian at Ervic at pareho na silang nakapag-move on after their break-up.

As what everybody knows, happily in love si Marian kay Dingdong Dantes habang si Ervic ay still looking o meron nang kapalit si Marian sa kanyang puso.