NALOKA naman kami sa isang e-mail na ipinorward sa amin ni People’s Tonight entertainment editor Ian Fariñas tungkol sa isang “reader” na nagrereklamo sa palagi ko raw pagpuri sa mga programa ng ABS-CBN at sa kanilang mga artista.

Hindi naman ’ata talaga siya avid reader ng People’s Tonight kasi hindi niya alam na hindi naman ako madalas magsulat kaya paano mo masasabi na nagsasawa ka sa binabasa mo sa kolum ko.

* * *

MASAYA ang  atmosphere sa It's Showtime studio! Very cooperative at nagpa-participate ang audience sa simula pa lang ng palabas. Damang-dama sa studio ang energy ng madlang people.

Kumpleto ang host ng It's Showtime kahapon sa first Saturday episode ng bagong noontime show ng ABS-CBN. Present sina Vice Ganda, Anne Curtis, Billy Crawford, Vhong Navarro and the rest of the gang.

As usual, inaabangan pa rin ng audience ang showdown ng iba’t ibang grupo na nagpapasikat. Lima ang naglaban-laban at ang Amazing Dolls ng Olongapo ang tinanghal na weekly winner.

Cute din naman at patok ang mga bagong segment ng It’s Showtime na “Sine Mo To” at “Singing V” hosted by Vice Ganda. In fairness, hindi sila nag-overtime kahapon na palaging nangyayari nung mga nakaraang araw. Lagot kasi sila sa Showbiz Inside Report ’pag bumabad sila sa ere, huh!

Off cam ay ganun pa rin ang energy ng It’s Showtime hosts. Panay pa rin ang bitiw ng punchline ni Vice.  Pero asar-talo naman si Vice sa pang-aasar ng madlang people kapag tinatawag siyang "Vice Pogi." Nag-trending pa nga ito sa Twitter worldwide.

Si Anne naman ay kinakarir talaga ang pag-kanta dahil panay din ang birit ng potah ng kahit anong kanta during commercial breaks.

In fairness, hindi na masyadong "sabog" at "labu-labo" It’s Showtime. Nag-improve na sila kumpara nu’ng nagsisimula pa lang ang show.

Special guest nga pala kahapon sa programa ang cast ng Unofficially Yours na sina John Lloyd Cruz at Angel Locsin.

* * *

SPEAKING of Angel, happy ang aktres na nasa second season na ang sitcom nila nina Robin Padilla at Vhong Navarro at Pokwang na Toda Max na napapanood tuwing Sabado ng gabi.

Relax lang ang mood ni Angel tuwing taping day ng sitcom. "Walang effort kasi ang saya-saya lang namin sa set at para lang kaming pamilya," kuwento ni Angel.

Nagsimula lang as guest si Angel sa Toda Max. Nang makita ng ABS-CBN management ang appearance ni Angel sa sitcom, nag-decide sila na gawing regular na ang aktres sa show.

Kakaririn na rin ba ni Angel ang pagpapatawa?

"Kabado nga ako nung simula eh. Pero nag-i-enjoy na ako ng sobra ngayon. At least iba naman ang ginagawa ko ngayon. Thanks to Direk Malu Sevilla for her guidance.”

* * *

PALABAS na ang pelikulang Pinta Kasi na prinodyus ni Gov. Imee Marcos at pinabibidahan naman nina Erich Gonzales, JM de Guzman at John Wayne Sace.

Two years in the making ang Pinta Kasi. Hindi pa sikat noon sina Erich at JM habang ginagawa nila ang pelikula. In fact, mas may name pa nga noon si John Wayne kaya sa poster ng pelikula, nauna pa ang pangalan nito kina Erich at JM.

“Maganda ang pelikula hindi dahil ako ang producer nito kundi pinag-isipan talaga ito at inayos ang pagkakagawa,” pag-mama-laki pa ni Gov. Imee.

Mapapanood ito sa selected SM Cinemas -- SM Megamall, SM Mall of Asia, SM Fairview, SM Marikina, SM North EDSA, SM Cebu at SM Iloilo. Sa Feb. 29 ay mapapanood na rin ito sa SM Baguio, SM Davao at SM Batangas.

* * *

KINAGAT ng televiewers ang pagiging “bitchy” ni Nikki Gil sa seryeng Mundo Man Ay Magunaw na pinagbibidahan din nina Eula Valdez, Ejay Falcon, Tessie Tomas at Empress.

Bagay pala kay Nikki ang magtaray. Markado ang mga eksena kung saan sinasampal-sampal niya si Empress sa initiation rites ng kanilang sorrority.

Handa na ba siya sa kanyang bagong image?

“At first, parang kina-kabahan ako. Pero parang nagsi-sink-in na rin sa akin ngayon ’yung role ko. Hindi ito madali for me kasi hindi naman ako mataray in real life, pero buti na lang, nakakayanan ko naman,” pahayag ni Nikki.

Tuwing 2:30 p.m. na ang Mundo Man Ay Magunaw mula sa 11:30 a.m. slot nito two weeks ago.