COMATOSE raw si Laguna Governor ER Ejercito.

Kumalat ang balitang  ito nitong Miyerkules ng hapon. Marami  tuloy ang nag-alala, lalo na ang mga nagmamala-sakit at constituents ni Gov. ER.

Maging ang publicist ni Governor na si Jobert Sucaldito ay nagulat sa balita kaya hindi ito nag-aksaya ng panahon at kaagad  na gumawa ng paraan na makausap ang actor-politician.

Nakausap naman ni Jobert si Gov. ER at sa boses daw nito ay malakas na malakas daw ang actor-politician. Kaya wala raw dapat ikabahala ang mga nagmamahal sa Laguna Governor  dahil pinagtawanan na lang daw nito ang bagong paninira sa kanya.

Duda tuloy ng mga tao ni  Gov. ER na kagagawan na naman ng political detractors niya ang comatose issue. Makailang beses na kasing ‘pinapatay’ ng kanyang detractors si Gov. ER  Pero, okey lang daw ito dahil napipilitan silang  laging ibayong pag-iingat ang ginagawa ni Laguna Governor at ng kanyang mga tao.  Medyo luwag daw kasi sa security si ER dahil ayaw nitong sinusundan-sundan ng kanyang bodyguards.

Kaya naman nasabi ng butihing gobernador na kung nasa malubhang kalagayan man daw siya, ‘yun ay ang   pagkakaroon ng detractors na gagawin kahit ang mga nakakatawang bagay masiraan lang siya.

*  *  *

Itinanggi ni Katrina Halili, nang makatsikahan namin sa launching ng My Beloved, na nagbenta siya ng kanyang lupa sa Palawan.

Kahit may nagkumpirmang nagbenta na nga siya ng lupa sa Palawan, mahigpit itong pinabubulaanan ni Katrina.

“Hindi totoo yan! That`s super-tsika. Basta kapag itinayo na ‘yung resort ko ro-on, invite ko kayo, guys,” pahayag ni Katrina.

Samantala, habang nagpapaliwanag si Katrina tungko sa diumano’y pagbebenta niya ng lupa sa Palawan, biglang may nagtanong kung may nadarama  ba siyang ex-citement dahil sa mayroon taong magka-comeback sa showbiz?

Balik-tanong ni Katrina kung sino ba ang tinutu-koy na magbabalik-showbiz pa-ra siya  ma-excite.

Si ‘H’ daw na obviously ay si Hayden Kho ang tinutu-koy.

“Oww? That guy? He`s coming back? Oh, good luck to him! Ha! Ha! Ha!”

Noong mga panahong walang projects si Katrina ay  nag-aaral siyang mag-bake,  nagbabasa tungkol sa astrology, nutrition at kung anu-ano pa.

Sinabi pa ni Katrina na dahil sa nangyari sa kanya ay lalo siyang tumapang at natutong humarap sa  anumang mabibigat na problema sa buhay.

Tanong ulit kay Katrina:  Kung magkakasalubong  sila ni Hayden Kho sa pagbabalik-showbiz nito, ano ang kanyang gagawin o sa-bihin sa lalaking ‘nambaboy’ sa kanya.

“Actually, ‘yun din ang aabangan ko. Hindi ko pa alam kung ano ang magi-ging reaction ko,” nanggigigil na pag-amin ni Katrina.

*  *  *

Pagkatapos ng pagho-host ng katatapos na Survivor Philippines ni Richard Gutierrez, kung saan si Albert ‘Betong’ Sumaya ang nanalong sole survivor,  isang drama series naman ang  ini-hahanda kay Chard ng Kapuso Network.

Nagkaroon na ng story conference  ang susu-nod na project ni Richard,  at ayon sa aming source, si Ricky Da-vao ang magiging director nito dahil na-impressed daw ang Kapuso Network sa naging directorial jobs ni Ricky sa Siyete.  Dalawa ang  magiging babae ni Chard sa drama series -- sina Carla Abellana at Sarah Labhati.  Bagong image  ang ipo-portray dito ni Chard  gayundin nina Car-la at Sarah na siguradong ‘magpapainit’ sa actor.