Hindi maipinta ng kahit na sinumang pintor ang labis na tuwa sa mga mukha nina Robin Padilla, Vhong Navarro at Angel Locsin nang humarap sila sa members ng entertainment press to announce that Toda Max is on its second season.

According to Robin and Vhong, when they started working on the show, producer Rocky Ubana and director Malou Sevilla made it clear na pang-one season (meaning 13 weeks) lang ang programa.

Ito rin daw ang klinaro sa headwriter ng Toda Max na si Randy Ramos.

Basta ang gusto raw ng management ay isang kakaibang rom-com, definitely not the usual type of rom-com na napanood at pinagsawaan na ng viewers.

True enough, isang proyekto nga ang Toda Max na klarung-klaro sa mga manonood kung saan papunta at ano ang tinutumbok.

Sa presscon, inamin ni Angel na originally ay guest star lang siya for a number of episodes.

In fact, her role was that of someone na in love kay Vhong Navarro, kaya naging malungkot ang ginawa niyang pagpapaalam nang itinakda siya ng supposed recruiter for OFW (oversees Filipino worker) na umalis na dahil may trabaho nang naghihintay sa kanya.

That episode would have been the signal ng kanyang pamamaalam sa show nang makiusap sina Robin at Vhong, first sa talent manager ni Angel then sa producer nito, to have her stay put as their leading lady.

The rest, wika nga, is history.

* * *

Maniwala kayo o hindi, sabi ni Angel, Thursday is one day in the week that she always looks forward to.  Magaan na magaan daw kasi ang kanyang pakiramdam everytime she reports for taping sa Toda Max.

Maniwala rin o hindi si Angel, sabi naman nina Robin at Vhong, they share her enthusiasm.

Malaki rin ang kontribusyon ni Pokwang sa success ng show.

Masarap daw katrabaho si Angel, anang dalawang actor. There are no dull moments with her around daw.        

Seryoso man daw tingnan si Angel, may sense of humor ang dalaga. And she is a professional, too.

Meanwhile, nangangako ang ‘powers’ behind Toda Max na higit na magiging maganda at mas nakakatawa ang mga episode na ibibigay nila in the show’s second season.

* * *

This early, ini-extend na nina Robin at Vhong ang kanilang pagbati kay Angel, dahil ’di pa man ipinalalabas ang pelikula nitong Unofficially Yours with John Lloyd, ang ganda na ng trending na kini-create nito based sa trailer.

“Maiengganyo ka nang panoorin,” ani Robin. “Tiyak, panonoorin ko ang pelikulang iyan.”

“Me naman,” pahayag ni Vhong, “baka ’yang movie na lang ang panoorin namin ng aking one and only (na ’di taga-showbiz) sa Valentine’s Day.