Bonggacious ang Taal Imperial Hotel and Resort na pinasinayaan ni Mother Lily Monteverde nitong Lunes sa Batangas, with no less than Gov. Vilma Santos as guest speaker.

Natanong namin si Gov. Vilma kung ano ang comment niya sa patuloy na pagsasabi ni Anne Curtis na siya ang “Vilma Santos” sa henerasyon ngayon.

“Naku, kausapin ninyo si Direk Ruel Bayani at sasabihin niyang ako ang peg ni Anne Curtis sa No Other Woman,” nakangiting sagot ni Gov. Vi.

*   *   *

Pinakamagandang pangyayaring naganap sa latest presscon ng Nandito Ako,  tampok sina David Archuleta, Jasmine Curtis-Smith at Eula Caballero para sa TV5,  ang katotohanang nalaman ng lahat ng press people na hindi naman pala “gay”  ang hinahangaan nating American Idol sensation.

Naging usap-usapan kasi sa showbiz   ang pagka-bading daw ni David A na ang tanging basehan, ang  kanyang relihiyon at ang umano, pamamaalam niya sa kanyang singing profession para mag-full time sa pagtulong na i-propagate ang mga salita ng Diyos. Meaning, mag-a-abstain siya sa sex, among others.

By the way, nilinaw ng TV5 na ang Nandito Ako mini-series project nila ay hindi televised version ng Nandito Ako, ang pelikulang  pinagtambalan noon nina Phillip Salvador at Kris Aquino.

Ang mapapanood na mini-TV-kilig series ay hango sa awiting Nandito Ako, na may version si David for international release.

*   *   *

Kilig-kiligan si Janno Gibbs sa pagbabalik- teleserye niya via Alice Bungisngis, na pinagbibidahan ni Bea Binene sa Kapuso Network.

“Bagay kami,” biro ni Janno patungkol kay Bea.

“Bagay kaming mag-ama,” hirit nito. “Imagine, after two years, ginanahan akong magbalik-showbiz. Hindi naman sa tinamad  ako noon. Sabihin nating nagsawa lang ako na ‘yun at ’yun din ang roles na ginagawa ko. Pero nagi-sing na ako ngayon. Kaila-ngan ko palang magtrabaho.”

Hindi lang si Bea ang naka-excite kay Janno kungdi ang mga kasama pa niya sa serye tulad ng leading man ni Bea na si Jake Vargas.

“Mas maliit sa akin. May laban na ang height ko sa kanya,” ani-ya.

Ang mala-king kaibahan lang ni Jake kay Janno, ang pagiging mahiyain nito when it comes to courting her pretty leading lady.

Hindi tulad ni Jake si Janno na mabilis sa babae.

Dahilan kung bakit maraming babaing sinugod ang asawa niyang si Bing Loy-zaga noon.

“Tapos na ang chapter na iyon sa aking buhay,” pagtatanggol ni Janno sa sa-rili.

“Malalaki na ang mga bata. Tapos na ng Psycho-logy si Alyssa at balak namang mag-model ng kasu-nod niyang 14-year-old palang. Kaya, happy family na kami ngayon,” pagmamalaki pa ni Janno.