Frustration ang ibinigay na dahilan ni Jade Lopez, na StarStruck 1 finalist, kaya napapayag siyang  mag-pose sa isang men’s magazine.   

“Kasi naman pagkatapos kong ma-cast sa All My Life ng  GMA7, hindi na ito nasundan. So, tinapos ko na lang ang pag-aaral ko ng kursong Psychology sa San Beda,”say ni Jade.

Hanggang may nag-offer nga raw sa kanyang mag-pose ng sexy sa isang magazine. Na agad naman daw tinanggap ng young actress.

*  *  *

Humarap sa piling entertainment press ang ilang sikat na PBA players na kasali sa PBA Season 37th Commissioner‘s Cup na nagsimula na kahapon, Feb.10, sa Smart Araneta Coliseum.

Ilan sa mga humarap sa press ay sina Mark Caguioa, Gary David, Mac Mac  Cardona, Ren Ren Ritualo at LA Tenorio.

Dapat, kasama ring haharap si James Yap pero last minute, nag-back-out ito dahil may biglaang lakad daw.

Tuloy agad naisip ng press people na umiiwas si James na ma-interview dahil alam siguro nito na uungkatin ang tungkol sa annulment ng kasal nila ni Kris Aquino.

Anyway, sina Gary Da-vid at Mac Mac Cardona ang ilan sa na-interview namin at nagulat ang dalawa dahil kakaiba raw ang mga tanong ng entertainment press.

Mas nasanay raw kasi sila sa sportswriters na tung-kol lang sa achievement nila sa basketball ang tinatanong.

Ang showbiz press daw, pati lovelife nila, inuurirat.

Sa tsikahan namin kay Mac Mac, naikuwento niyang lumabas na rin pala siya sa TV show kung saan nakasama pa niya si Angel Locsin.

Ang yumaong talent manager na si Douglas Qui-jano raw ang humawak sa showbiz career niya noon.

Pero hindi raw talaga pag-arte ang gusto niyang gawin kundi paglalaro ng basketball, kaya hindi nagtuluy-tuloy ang showbiz career niya.

Samantala, kahit may girlfriend na si Mac Mac, hindi niya itinatago na crush niya si Anne Curtis. 

Nasabi tuloy namin na paglabas ng interview namin sa kanya, malamang awa-yin siya ng kanyang GF.

*  *  *

Hindi direktang inamin ni Jacklyn Jose ang tungkol sa naging relasyon nila ni Lito Pimentel.

Pero itinanggi niyang hanggang ngayon, mayroon pa rin silang lambingan.

Hindi masabi ni Jacklyn kung ‘yung mga paglalam-bing sa kanya ni Lito na may kasamang yakap at halik, pag-ibig pa rin sa kanya. 

Inamin din ni Jacklyn na “honey” ang naging tawagan nila noon ni Lito.

Samantala, hindi pa rin humuhupa ang galit ni Jack-lyn kay Albie Casino dahil sa ginawa nitong paninira sa anak niya. Pinalabas daw ni Albie sa tweets niya na maraming lalaki  na ang naka-sex ng anak niyang si Andi Eigenmann.

Sabi ni Jacklyn nang makausap namin  sa taping ng Valiente, binuntis lang daw ni Albie ang anak niya at saka siniraan para makaiwas sa responsibilidad.

Anyway, willing naman daw ipakita ni Jaclyn ang apo niya kay Albie kung babawiin nito ang lahat ng mga sinabing paninira sa anak niya sa Twitter at mag-public apology ito.