Hindi pa man nagsisimula ang shooting ng Boy Pick-Up, may isyu na agad at kina Sam Pinto at Solenn Heussaff pa.

Si Solenn kasi ang leading lady dito ni Ogie bilang si Boy Pick-Up, kaya may mga nag-akalang out sa movie si Sam.

Kaya nag-tweet si Sam na kasama pa rin siya sa movie at siya pa rin si Neneng na taga-tanong ng “bakit?”

Gugustuhin ng fans ng Boy Pick-Up segment ng Bubble Gang na iisa ang Neneng na napapanood nila sa TV at pelikula.

Pero si Solenn talaga ang leading lady ni Ogie at ito yata ang sinasabing launching project niya.

Co-production ng GMA Films at Regal Entertainment ang pelikula sa direction ni Dominic Zapata.

Contract star pala ng Viva Films si Sam, mabuti at ipinahiram siya sa ibang film company.

Una siyang mapapanood bilang leading lady ni Cesar Montano sa Hitman.

* * *

Pinagkaguluhan sina Fabio Ide, John Hall at Jay Gonzaga sa presscon ng My Beloved dahil topless at maiksing tapis lang ang suot.

Sabi ni Fabio, hubad at nakatapis siya sa buong labas niya sa soap at nagbirong sana hindi siya sipunin.

Sobrang excited si Fabio na nasama siya sa My Beloved na first serious role niya bilang si Rowan, isang sundo na kailangang walang expression.

Mahaba ang buhok niya na 20 minutes inaabot ayusin at tinatawag na Tarzan sa taping.

Nakasama na ni Fabio sina Dingdong Dantes at Marian Rivera sa TVC ng San Miguel Light, kaya masaya siyang makatrabaho uli ang dalawa.

Excited din siyang muling makatrabaho si Direk Dom na director nila sa Comedy Bar.

Nai-tweet ni Fabio na nagta-Tagalog lesson siya, kaya pinaulit namin dito ang “pinakanabagabag” na hindi niya masabi at nagkandautal-utal, ’wawa naman!

* * *

Sa Monday na, February 13, ang airing ng Valiente  nina Oyo Sotto, JC de Vera, Niña Jose at Nadine Samonte.

Bida rin sina Michael de Mesa, Mark Gil, Cherry Pie Picache at Jaclyn Jose at may special participation sina Gina Alajar at Ciara Sotto.

Mula ito sa direction ni Joel Lamangan.

Very proud sina Oyo, JC, Niña at Nadine na parte sila ng Valiente, lalo’t nakasama nila si Michael na nasa original cast.

Naging maganda ang taping pati sa pagitan nang mag-ex na sina Nadine at Oyo.

Grabe ang laki ng gastos ng Archangel Media para sa remake nito, P75,000 ang rent nila everyday sa Leviste Farm at dagdag na P5,000 ’pag gagamit sila ng kabayo.

Ang daming location ng teleserye, ang daming cast, maraming binabayaran ng talent fee, kaya wish naming mag-rate ito at mapuno ng ads.

* * *

Bumalik nga ng bansa si David Archuleta at mukhang magtatagal pa siya rito dahil guest daw sa Mr. & Mrs. A concert nina Ogie Alcasid at Regine Velasquez sa February 14.

Pero wala na ito sa pilot ng miniserye niyang Nandito Ako ng TV5 sa February 20.

Fan ni Regine si David, first time niyang maririnig umawit nang live si Songbird at matutuwa tiyak ang audience ’pag kinanta nila nina Ogie ang theme song ng miniserye na sinulat din ni Ogie.

Si Eula Caballero na lang ang makakapanood kay David sa Mr. & Mrs. A concert dahil nakabalik na sa Australia si Jasmine Curtis Smith, ang isa pang kapareha ni David.

Si G Tongi naman na gumanap na mother ni David sa miniserye, babalik ng Los Angeles sa Feb. 13.