OBVIOUS na obvious naman ang eyeliner na itim na inilagay sa mata ng young actor (?) na napansin namin sa isang showbiz occasion, huh!

Mukhang patunay tuloy ito sa kumakalat na tsismis na unti-unti na ring lumaladlad ang kapa nito.

Eh, kitang-kita naman sa kilos na nagdadalaga na ang young actor. May sandaling kumekendeng na siya kung maglakad. Eh, napapaligiran pa naman siya ng mga lalaking artista sa bagong show niyang kinabibilangan kaya hindi kataka-takang maging tampulan siya ng tukso!

Naku, ’pag lumaki na siyang “dalaga,” pigilan man siya ng network na tikisin ang damdaming bading, lalo siyang magiging laman ng mga blind item, kahit ayaw ng istasyon.

Mangangamoy at mangangamoy din ang lansa ng bagets na ’yan!

* * *

ILALABAS ni Dingdong Dantes si Marian Rivera after ng guesting nito sa concert nina Regine Velasquez at Ogie Alcasid sa February 14.

“Kung saan, maghahanap pa ako ng lugar ng ganoong oras!” sabi ni Dingdong sa presscon ng My Beloved na simula na sa Lunes.

Pero gusto nga ni Marian sa bahay na sila mag-celebrate dahil may taping sila kinabukasan.

“Hindi. Dapat ano… espesyal!” sambit ng actor.

Baka mapagod o pagurin naman niya si Yan-Yan, huh!

“Hayaan mo siya! Hahaha! Kayang-kaya niya ’yon. Matindi ang training niya sa Amaya!” rason niya.

Nakatulong ba ’yon?

“Nakatulong! Hahaha!” biro ni Dong.

May surprises daw siya minsan gaya ng crepe paper na roses na ibinigay niya minsan.

“Sinabi niya ’yon?” tanong niya.

Kaya pala niyang gumawa ng ganoon?

“Wala! Pero may laman ’yon. Bawat… kasi, 27 siya noon. So, 27… ah… pieces of paper na ginawang rose. ’Yung mismong proseso ng paggawa ng rose, mahirap, eh. So, 27, pero may 27 wishes sa loob. So, isa-isa niyang binuksan!

“Kasi wala rin akong masyadong maisip, eh. Regalo? Mahal! Na puwede naman niyang bilhin o magkamali pa ako.           “Something na maaalala rin niya in some way na magkaroon na rin siya ng bucket list na may 27 things to do siya. Parang ganoon, ’di ba?” kuwento ni Dingdong.

“Nagpaturo ako ng tatlo sa pinagbilhan ko and the rest, ako na. Oo, okey lang siya!” dagdag pa niya.

Teka nga pala, bilang girlfriend, may binabawal pa ba siya kay Marian?

“May paniniwala ako sa judgment niya. Alam naman niya kung ano ang okey sa kanya at hindi. So, may tiwala ako sa kanya,” sagot niya.

Sa muli nilang pagsasama, mas naging excited si Dong sa pakikipagtrabaho sa girlfriend.

“Siguro after everything na pinagdaanan namin, after five shows together, ’yun nga, ini-expect ko rin na baka hindi na. Pero hindi, eh. Sobrang nakakatuwa,” rason niya.

Sa pang-ilan show sila nag-on?

“Ha? Hahaha! Basta isa sa mga ’yon, sigurado!” iwas ng actor.

* * *

BIRUAN lang daw ’yung nasulat na magkakaroon ng torrid kissing scene si Robin Padilla kay Kris Aquino sa bago nilang teleserye sa ABS-CBN.

“Ano po ’yon, parang nagbibiruan lang sa harap ng press. May birthday surprise lang sila. Biruan lang po ’yon. Wala namang… hindi naman puwedeng mag-torrid ng halikan sa TV. Sa likod na lang ng kamera, puwede naman ’yon, hahaha!” paliwanag  ni Robin after ng presscon ng second season ng Toda Max nila ni Vhong Navarro, Angel Locsin at Pokwang.

Sa isyu namang umiyak ang anak niyang si Kylie dahil kay Aljur Abrenica, walang alam si Robin sa pagkakaiyak ng anak.

“Wala, wala akong alam. Hindi ako nagtatanong at hindi rin ako nagkukusang magtanong,” pahayag ng action idol.

Kung walang binibigay na problema sa kanya si Kylie, bakit pumayag siyang mag-quit sa showbiz ang isa pa niyang anak na si Queenie?

“Kinausap  ko siya nang masinsinan tungkol doon. Eh, ang pananampalayata ni Queenie, hindi natin makukuwestiyon ’yon! Ako, gusto ko ’yon. Ang pangarap namin sa buhay sa mga anak namin, mabuhay na isang Muslim. Masaya ka roon sa pagbabalik-loob niya sa Islam. Wala akong kinalaman doon at desisyon niya ’yon!” katwiran ni Robin.