EXCITED na si JC de Vera  sa kissing scenes nila ni Nadine Samonte sa Valiente ng TV 5, First team-up ito ng dating Kapuso talents. Produkto si Nadine ng StarStruck, habang si JC, homegrown talent ng GMA7 at alaga ni Annabelle Rama.

Kapwa sikat at lead stars na sina Nadine at JC  ng GMA7 nang lumipat sa Kapatid Network. Pero madalas naman nilang sabihin na malaki ang utang na loob nila sa dating network.  Say ni Nadine, natupad daw sa TV5 ang roles na gusto niyang gawin. Gayundin din daw si JC, na natupad maging action and drama actor.

Tulad sa Utol Kong Hoodlum at ngayon sa Valiente, na idinidirek din ng dating Kapuso director na si Joel Lamangan.

Kasama rin sa Valiente sina Oyo Boy Sotto, Nina Jose, Michael de Mesa, Kerbie Zamora, Gina Alajar at ang balik-showbiz na si Michael de Mesa.

* * *

BLOOMING si Katrina Halili nang makita namin sa presscon ng My Beloved.

As usual, guguluhin ng kontrabidang si Katrina ang buhay ng bidang sina Marian Rivera at Dingdong Dantes.

Pero ayon sa tsika, may nagpapaganda at nagpapaseksi raw ngayon kay Katrina, na pilit lang inililihim ng sexy star. Ayaw raw kasi ni Katrina na mapag-usapan ang kanyang lovelife dahil sa trauma ng sex video scandal kay Hayden Kho.

Anyway, kahit ilihim ni Katrina ang kanyang lovelife okey lang dahil hindi naman siya nagbabago sa pagiging loveable at accommodating sa press.

Tampok si Katrina ngayong Sabado sa Spooky Nights Presents  Masahista, kapartner si Paolo Contis.  Super-suspense ang episode ni Katrina sa Spoky Nights kaya abangan ito, pagkatapos ng Manny Many Prizes sa GMA7.

* * *

MASAYA ang Bubble Gang ngayong gabi dahil isi-celebrate nila ang Araw ng Mga Puso. Malalaking artista ang guests ngayong gabi, kabilang sina Regine Velasquez, Aljur Abrenica at Ynna Asistio.Tungkol din sa Valentine ang kuwento nina Che-Che Bureche. Of course, pick up words para sa Valentine’s Day ang gagawin ni Boy Pick Up.

* * *

LIBU-LIBONG fans na naman ang pasasayahin ni Manny Pacquiao sa kanyang Manny Many Prizes ngayong Sabado.   Last week, super-saya ang naturang gameshow dahil kina Ogie Alcasid at  Regine Velasquez. Nga-yong Sabado, ti-yak na da-dayuhin na naman ito ng ilang Kapuso big stars para tumulong kay Ninong Manny na mamigay nang limpak-limpak na papremyo sa libu-libo niyang tagasubaybay.